అటు కైకలూరు నియోజకవర్గంలో కొత్తగా గ్రామ సచివాలయాలు, రైతు భరోసా కేంద్రాలు, ఆరోగ్య ఉపకేంద్రాల భవనాల నిర్మాణాలు జరిగాయి. కరోనా వల్ల ఇబ్బందులు పడుతున్న ప్రజలకు అండగా ఉంటున్నారు. నియోజకవర్గంలో ఎక్కువగా ఉన్న ఆక్వా రైతులకు అండగా ఉంటున్నారు. ఇప్పటికే ప్రభుత్వం ఆక్వా రైతులకు కరెంట్ చార్జీలని తగ్గించింది.

అలాగే చేపలు, రొయ్యల సాగు అభివృద్ధికి ప్రాధికార సంస్థ (డెవలప్‌మెంట్‌ అథారిటీ)ని ఏర్పాటు చేసింది. నాణ్యమైన సీడ్, ఫీడ్‌ అందించడంతో పాటు విక్రయాల్లో రైతులు నష్టపోకుండా చూడటం అథారిటీ ప్రధాన లక్ష్యం. అటు కైకలూరులో కూడా విస్తరించిన కొల్లేరు ప్రాంత చేపల రైతుల సమస్యలను పరిష్కరించడానికి కృషి చేస్తున్నారు. కరోనా సమయంలో చేపల, రొయ్యల రైతులు భారీగా నష్టపోతున్నారు. వారిని ఆదుకోవాల్సిన అవసరముంది. అయితే నియోజకవర్గంలో పలు ప్రాంతాల్లో రోడ్లు దారుణంగా ఉన్నాయి.  డ్రైనేజి వ్యవస్థని మెరుగుపర్చాలసిన అవసరముంది.

ఇక రాజకీయ పరంగా చూసుకుంటే ఇక్కడ ఎమ్మెల్యే దూలం స్ట్రాంగ్‌గానే ఉన్నారు. ఇటీవల స్థానిక సంస్థల ఎన్నికల్లో వైసీపీ సత్తా చాటింది. ఇక టీడీపీ తరుపున జయమంగళ వెంకటరమణ పనిచేస్తున్నారు. 2009 ఎన్నికల్లో టీడీపీ తరుపున గెలిచిన ఈయన, 2014లో బీజేపీకి పొత్తులో సీటు పోవడంతో పోటీ చేయలేదు. 2019 ఎన్నికల్లో మళ్ళీ పోటీ చేసి ఓటమి పాలయ్యారు. అయితే వెంకటరమణ నిదానంగా పనిచేసుకుంటూ వెళుతున్నారు. దీని వల్ల నియోజకవర్గంలో టీడీపీ పూర్తి బలపడలేదు. మొత్తానికైతే పథకాలు, ఎమ్మెల్యే పనితీరుకు నియోజకవర్గంలో మంచి మార్కులే పడుతున్నాయి.