వచ్చే ఎన్నికల్లో టీడీపీ గెలుపు కష్టమని చంద్రబాబుక లాగే ఎల్లోమీడియాకు కూడా అర్ధమైపోయినట్లుంది. అందుకనే గుణంకన్నా కులమే మిన్నంటు జనాలు జగన్ కు ఓట్లేశారని రాశారు. నిజంగా అదే వాస్తవం అనుకుంటే జగన్ రెడ్డి అన్న విషయం అందరికీ తెలుసు. రెడ్లు, క్రిస్తియన్లు జగన్ కు మద్దతుగా నిలబడ్డారంటే అర్ధముంది. మరి ఎస్సీ, ఎస్టీ, ముస్లింలు పూర్తిగాను బీసీ, కాపుల్లో కూడా జగన్ కు ఎందుకు మద్దతొచ్చింది. చంద్రబాబు జనకంటకుడిగా మారాడని సమాజంలోని వివిధ సామాజికవర్గాలు భావించి జగన్ కు మద్దతు ఇవ్వబట్టే అంతటి అఖండ విజయం సాధ్యమైంది. జగన్ జనకంటకుడిగా మారాడని జనాలు అనుకోవాలే కానీ చంద్రబాబు అండ్ కో+ఎల్లోమీడియా కాదు. జగన్ పాలన బాగుందని జనాలు అనుకున్నంత కాలం ఎల్లోమీడియా ఎన్నివార్తలు, కథనాలు వండివార్చినా ఉపయోగమే ఉండదు. చూడబోతే చంద్రబాబుకు మళ్ళీ అధికారం రావటం కష్టమని ఎల్లోమీడియాకు కూడా సందేహం వచ్చిందేమో. అందుకనే జగన్ను ఇన్ని శాపనార్ధాలు పెడుతు ‘జగన్మోహనమా, జనకంటకమా’ అనే పిచ్చిరాతలు రాశారు.