అదే సమయంలో వైసీపీకి అడ్వాంటేజ్ అయింది. ఇలా వైసీపీకి అడ్వాంటేజ్ అయిన నియోజకవర్గాల్లో ముమ్మిడివరం కూడా ఒకటి. గత ఎన్నికల్లో ఇక్కడ వైసీపీ నుంచి పొన్నాడ సతీశ్ కుమార్ పోటీ చేయగా, టీడీపీ నుంచి దాట్ల సుబ్బరాజు పోటీ చేశారు. అనూహ్యంగా సుబ్బరాజుపై సతీశ్ దాదాపు 5 వేల ఓట్లపైనే మెజారిటీతో గెలిచారు.

అయితే ఇక్కడ జనసేనకు పడిన ఓట్లు 33 వేలు అంటే ఏ రేంజ్‌లో ఓట్లు చీలిక జరిగిందో చెప్పాల్సిన పని లేదు. జనసేన తరుపున పితాని బాలకృష్ణ పోటీ చేశారు. అయితే బాలకృష్ణ గతంలో వైసీపీలో కీలక నాయకుడుగా ఉన్నారు. ఇక 2019 ఎన్నికల ముందు ఈయన వైసీపీని వీడి జనసేనలో చేరి ముమ్మిడివరం టిక్కెట్ దక్కించుకున్నారు.

దీంతో టీడీపీకి పడే ఓట్లు కూడా జనసేన చీల్చడంతో వైసీపీకి అడ్వాంటేజ్ అయింది. అందుకే సతీశ్ తక్కువ మెజారిటీతో గెలిచేశారు. 2009లో ప్రజారాజ్యం ఉన్నప్పుడు కూడా ఇలాంటి సీన్ రిపీట్ అయింది. అప్పుడు కాంగ్రెస్ నుంచి సతీశ్ పోటీ చేసి, టీడీపీపై 1900 ఓట్ల తేడాతో గెలిచారు. ప్రజారాజ్యంకు 41 వేల ఓట్లు వచ్చాయి.  ఆ విధంగా అప్పుడు ప్రజారాజ్యం ఇప్పుడు జనసేన వల్ల ముమ్మిడివరంలో టీడీపీకి పెద్ద డ్యామేజ్ జరిగింది.

అయితే 2014 ఎన్నికల్లో టీడీపీకి జనసేన సపోర్ట్ చేయడం వల్ల, టీడీపీకి దాదాపు 30 వేల మెజారిటీ వచ్చింది. కాబట్టి వచ్చే ఎన్నికల్లో ఈ టీడీపీ-జనసేనలు కలిసి బరిలో ఉంటే అడ్వాంటేజ్ ఉంటుంది. లేదంటే మళ్ళీ వైసీపీకే ఛాన్స్ ఉంటుందని చెప్పొచ్చు.