ఇప్పటికీ ఇతనిపై విమర్శలు ఎదురవుతునే ఉండగా.. తాజాగా ఆయన అందుకున్న పురస్కారాన్ని వెనక్కి తీసుకోమని డిమాండ్ చేస్తున్నారు. మలయాళంలో దివంగత ప్రఖ్యాత కవి, సినీ గీత రచయిత ఓ ఎన్ వీ గురుప్ పేరుమీద 2017 జాతీయ సాహిత్య అవార్డులు ఏర్పాటు చేశారు. ఇక ఈ అవార్డులను ప్రముఖ కవులు, గీత రచయితలకు అందిస్తూ వస్తుండగా ఈ ఏడాది వైరముత్తు కు ప్రకటించారు. ఇక ఈ అవార్డు అందుకున్నందుకు తమిళనాడు సీఎం స్టాలిన్ వైరముత్తును అభినందించారు కూడా.

 ఈ నేపథ్యంలో సోషల్ మీడియాలో ఈ పురస్కారాన్ని వెనక్కి తీసుకోవాలని చాలా మంచి విమర్శలు చేశారు. మలయాళ హీరోయిన్స్ సైతం ఈ అంశం మీద రచ్చ రేపారు. అయితే ఈ విషయం గురించి స్పందించిన ఓఎన్వీ కల్చరల్ అకాడమీ ప్రెసిడెంట్ అదూర్ గోపాలకృష్ణన్ ఈ పురస్కారాన్ని ఆయన ప్రతిభకు అందించామని తెలిపాడు. అంతేకానీ క్యారెక్టర్ చూసి ఇవ్వలేదంటూ, అతను ఓ మంచి గేయ రచయిత అని, అతనిపై ఉన్నవి ఆరోపణలు మాత్రమే అని తెలిపాడు. ఇంత జరిగినా ఎందుకొచ్చిన టెన్షన్ అనుకున్నారో ఏమో తెలియదు కానీ, తాజాగా అవార్డ్ వెనక్కు ఇస్తున్నానని వైరముత్తు ప్రకటించారు. కొద్దిసేపటి క్రితం ఆయన ఈ మేరకు ప్రకటన చేశారు.