కానీ జగన్ ‌వేవ్‌లో శ్రీరామ్ ఓటమి పాలయ్యారు. ఓడిపోయాక రాప్తాడు బాధ్యతలు చూసుకుంటున్నారు. ఇదే క్రమంలో రాప్తాడు పక్కన ఉన్న ధర్మవరంలో ఓడిపోయిన వరదాపురం సూరి బీజేపీలోకి వెళ్ళడంతో ఆ నియోజకవర్గ బాధ్యతలు కూడా పరిటాల ఫ్యామిలీకే అప్పగించారు. ఇలా పరిటాల ఫ్యామిలీ రాప్తాడు, ధర్మవరం బాధ్యతలు చూసుకుంటున్నారు. రెండుచోట్ల శ్రీరామ్ యాక్టివ్‌గా తిరుగుతున్నారు. పార్టీని బలోపేతం చేయడానికి కృషి చేస్తున్నారు.

అయితే రెండుచోట్ల వైసీపీ ఎమ్మెల్యేలు బలంగానే ఉన్నారు. ధర్మవరంలో కేతిరెడ్డి వెంకట్రామి రెడ్డి దూకుడుగా ఉంటున్నారు. నిత్యం ప్రజల మధ్యలోనే ఉంటున్నారు. అటు రాప్తాడులో కూడా తోపుదుర్తి ప్రకాశ్ రెడ్డి యాక్టివ్‌గానే ఉంటున్నారు. ఇటీవల జరిగిన పంచాయితీ, మున్సిపల్ ఎన్నికల్లో ఈ రెండు నియోజకవర్గాల్లో వైసీపీ మంచి విజయాలే సాధించింది. అసలు టీడీపీకి పెద్ద ఛాన్స్ లేకుండా పోయింది. ఇప్పటికిప్పుడైతే వైసీపీ బలంగానే ఉంది కాబట్టి, పరిటాల ఫ్యామిలీకి రెండు నియోజకవర్గాలపై పూర్తి పట్టు దక్కలేదు.

అయితే వచ్చే ఎన్నికల్లో రెండు నియోజకవర్గాల్లో పరిటాల ఫ్యామిలీనే నిలబడుతుందా వేరే వాళ్ళకు అవకాశం ఇస్తారనేది క్లారిటీ లేదు. రాప్తాడు బరిలో ఎలాగో పరిటాల ఫ్యామిలీనే నిలబడుతుంది. అటు ధర్మవరంలో పరిస్తితి ఎలా ఉంటుందో తెలియాల్సి ఉంది. ఎన్నికల వరకు ధర్మవరం బాధ్యతలు పరిటాల ఫ్యామిలీకి అప్పగించి, ఎన్నికల సమయంలో మరో నాయకుడుని అక్కడ పోటీలో పెడతారా లేదా అనేది చంద్రబాబు చేతుల్లో ఉంది. కానీ ఇప్పుడున్న పరిస్థితుల్లో రెండుచోట్ల పరిటాల ఫ్యామిలీ పోటీలోనే ఉంటే బెటర్ అని తమ్ముళ్ళు చెబుతున్నారు. రాప్తాడులో సునీతమ్మ, ధర్మవరంలో శ్రీరామ్ పోటీ చేస్తే టీడీపీకి కలిసొస్తుందని అంటున్నారు. మరి చూడాలి రెండుచోట్ల పరిటాల ఫ్యామిలీకి ఛాన్స్ వస్తుందేమో?