కరోనాకు ఆయుర్వేద మందు కనుగొన్న ఆనందయ్యను పోలీసులు రహస్య ప్రాంతానికి తరలించారని తెలుస్తోంది. ఈ నెల 21 నుంచి ఆనందయ్య మందు పంపిణీ నిలిచిపోయిన విషయం తెలిసిందే. ఆయన హోం క్వారంటైన్ లో ఉన్నానని చెబుతూ వీడియోలు రిలీజ్ చేశారు. అందుతున్న సమాచారం మేరకు ఈ తెల్లవారుజామున పోలీసులు స్పెషల్ సెక్యూరిటీతో ఆయనను  రహస్య ప్రాంతానికి తరలించారు. 

పోలీసులు సీవీఆర్ అకాడమీకి తరలించారని ప్రచారం జరుగుతోంది. ఆనందయ్య ఔషధం కోసం ఇతర ప్రాంతాల నుంచి వస్తున్న వారిని కృష్ణపట్నం వెళ్లేందుకు పోలీసులు అనుమతి నిరాకరిస్తున్నారు. కృష్ణపట్నంలో ఇప్పటికే విధించిన 144 సెక్షన్‌ను కొనసాగిస్తున్నారు. ఔషధం సోమవారం నివేదిక వచ్చే వరకు ఆయనను రహస్య ప్రాంతంలో ఉంచనున్నట్టు చెబుతున్నారు.