నిజానికి 2020లో ఆచార్య షూటింగ్ పూర్తి చేయాలని ప్లాన్ చేశారు దర్శకుడు కొరటాల శివ. కానీ కరోనా కారణంగా లాక్ డౌన్ విధించడంతో దాదాపు ఏడు నెలలు అక్కడ పోయింది. మళ్లీ పరిస్థితి బాగానే ఉంది కదా అని షూటింగ్ ప్రారంభిస్తే మూడు నెలలు కూడా కాకుండానే మరోసారి కోవిడ్ సెకండ్ వేవ్ రచ్చ రేపింది. ఇప్పటి వరకు 80 శాతం పైగా షూటింగ్ పూర్తి కాగా ఇంకా 15 రోజులు షూటింగ్ బ్యాలెన్స్ ఉంది.

 ప్రస్తుతం ఉన్న పరిస్థితుల్లో.. చిరంజీవి వయసు దృష్ట్యా ఆయన బయటకు రావడం దాదాపు అసాధ్యం. 65 ఏళ్ళ మెగాస్టార్ ఇప్పుడు కానీ బయటకు వస్తే లేనిపోని తలనొప్పి కొనితెచ్చుకున్నట్లే. మిగిలిన 15 రోజుల షెడ్యూల్ జూన్ లోనే పూర్తి చేయాలని చూస్తున్నా చిరంజీవి వయసు దృష్ట్యా కుదిరేలా కనిపించడం లేదు. చిరు, చరణ్ కాంబినేషన్ సీన్స్ పూర్తి చేసి పోస్ట్ ప్రొడక్షన్ పనులు పూర్తి చేయాలని చూస్తున్నాడు కొరటాల శివ. ఆ తర్వాత ఎన్టీఆర్ సినిమా మీద ఫోకస్ పెట్టాలని ఆయన చూస్తున్నారని అంటున్నారు.