ఎక్కడా హైలైట్ అవ్వకుండా నియోజకవర్గానికే పరిమితమై ప్రజలకు సేవలు అందిస్తున్న కొక్కిలిగడ్డ...సర్పంచిగా రాజకీయ జీవితాన్ని మొదలుపెట్టారు. 2001-2006 తోట్లవల్లూరు మండలం వల్లూరుపాలెం సర్పంచిగా పనిచేయగా, 2006-2011లో పమిడిముక్కల జెడ్పీటీసీ సభ్యుడిగా పని చేశారు. ఇక వైసీపీ పార్టీ ఆవిర్భావించాక...ఆ పార్టీలో చేరి 2014 ఎన్నికల్లో తిరువూరు నుంచి ఎమ్మెల్యేగా పోటీ చేశారు.

ఆ ఎన్నికల్లో స్వల్ప మెజారిటీతో టీడీపీ అభ్యర్ధిపై విజయం సాధించారు. ఇక ప్రతిపక్ష ఎమ్మెల్యేగా ఉన్న, నిత్యం ప్రజా సమస్యల పరిష్కారానికి కృషి చేశారు. ఆ విధంగా పని చేయడం వల్లే 2019 ఎన్నికల్లో రక్షణనిధి మరోసారి బంపర్ విజయం సాధించారు. ఇక వైసీపీ కూడా అధికారంలోకి రావడం, జగన్ సీఎం అవ్వడంతో, తిరువూరు అభివృద్ధి కోసం రక్షణనిధి కృషి చేస్తున్నారు. అధికార పార్టీ ఎమ్మెల్యేగా ప్రజలకు అందుబాటులో ఉంటూ, ఎప్పుడు ఏదొక అభివృద్ధి కార్యక్రమాన్ని చేస్తున్నారు.

అలాగే ప్రభుత్వ పథకాలు ఆయనకు ప్లస్ అవుతున్నాయి. కాకపోతే నియోజకవర్గంలో పలు సమస్యలు ఉన్నాయి. నియోజకవర్గంలో తాగునీటి సమస్య ఎక్కువగానే ఉంది. అలాగే కొన్ని గ్రామాల్లో రోడ్లు అభివృద్ధి చేయాల్సిన అవసరముంది. ఇక రాజకీయంగా చూసుకుంటే ఇక్కడ రక్షణనిధి స్ట్రాంగ్‌గానే ఉన్నారు. కానీ టీడీపీ తరుపున సరైన నాయకులు లేరు.

2019లో టీడీపీ తరుపున ఓడిపోయిన కే‌ఎస్ జవహర్ పశ్చిమ గోదావరి రాజకీయాల్లోకి వెళ్లిపోయారు.  ఇక ఇక్కడున్న మాజీ ఎమ్మెల్యే నల్లగట్ల స్వామిదాస్ పెద్దగా యాక్టివ్‌గా ఉండటం లేదు. పార్టీని బలోపేతం చేయడం లేదు. ఇటీవల జరిగిన పంచాయితీ, మున్సిపల్ ఎన్నికల్లో టీడీపీ ఘోరంగా ఓడిపోయింది. ఇలా టీడీపీ వీక్ అవ్వడమే రక్షణనిధికి కలిసొస్తుంది. నెక్స్ట్ ఎన్నికల వరకు ఇదే పరిస్తితి ఉంటే రక్షణనిధికి తిరుగుండదు.