అడపాదడపా సినిమాల్లో హీరోయిన్ అవకాశాలు దక్కించుకుంటున్నా సరే సరైన బ్రేక్ వచ్చే సినిమా మాత్రం ఒక్కటి కూడా ఈ భామకు దక్కలేదు. అయితే ఇన్నాళ్ళకు ఈ భామ దశ తిరిగే అవకాశం వచ్చిందని ప్రచారం జరుగుతోంది.. ప్రవీణ్ సత్తారు దర్శకత్వంలో నాగార్జున హీరోగా నటిస్తున్న సినిమాలో ఈ భామకు ఒక మంచి అవకాశం లభించినట్లు తెలుస్తోంది. ప్రవీణ్ సత్తారు నాగార్జున కాంబినేషన్ లో తెరకెక్కుతున్న ఈ సినిమాలో కాజల్ అగర్వాల్ హీరోయిన్ గా నటిస్తోంది. ఇప్పటికే ఈ సినిమా మొదటి షెడ్యూల్ షూటింగ్ కూడా గోవాలో పూర్తయింది. 

రెండవ షెడ్యూల్ హైదరాబాద్లో జరిగే అవకాశాలు ఉన్నాయని అంటున్నారు. గతంలో ప్రవీణ్ సత్తార్ చేసిన గుంటూరు టాకీస్ అనే సినిమాలో హీరోయిన్ గా నటించింది రష్మీ. ఆ పరిచయంతోనే ప్రవీణ్ సత్తారు ఈ భామకు అవకాశం ఇచ్చినట్లు ప్రచారం జరుగుతోంది. ఒక రకంగా నాగార్జున సోగ్గాడే చిన్నినాయన సినిమాలో నటించిన తర్వాత మరో జబర్దస్త్ యాంకర్ అనసూయ దశ తిరిగింది. మరి అలాగే రష్మీ దశ కూడా తిరిగి మంచి స్టార్ అవుతుందేమో చూడాలి మరి..