అందుకే నాని తర్వాత వైసీపీలోకి వెళ్ళిన ఆయన విజయానికి ఎలాంటి ఢోకా లేకుండా పోయింది. 2014లో రాష్ట్రంలో టీడీపీ అధికారంలోకి వచ్చిన విషయం తెలిసిందే. కానీ గుడివాడలో కొడాలి నాని టీడీపీకి చెక్ పెట్టి వైసీపీ తరుపున విజయం సాధించారు. ఇక 2019 ఎన్నికల్లో కూడా నాని సత్తా చాటారు. మరోసారి వైసీపీ తరుపున గెలిచి, మంత్రిగా ఛాన్స్ కొట్టేశారు. ఇప్పుడు మంత్రి అయ్యాక నాని మరింత దూకుడుగా ఉంటున్నారు.

ఈయన దెబ్బకు గుడివాడలో టీడీపీ జెండానే కనిపించడం లేదు. అసలు గుడివాడ అంటే నాని, నాని అంటే గుడివాడ అనే మాదిరిగా రాజకీయాలు మారిపోయాయి. ఇక్కడ కొడాలి నాని దెబ్బకు టీడీపీ ఇన్‌చార్జ్ రావి వెంకటేశ్వరరావు సైతం సైడ్ అయిపోయారు. 2014లోనే నానిపై రావి పోటీ చేసి ఓడిపోయారు. ఇక 2019 ఎన్నికల్లో నాని మీద దేవినేని అవినాష్‌ని నిలబెట్టారు. అవినాష్ సైతం నాని దెబ్బకు తట్టుకోలేకపోయారు. కోట్లు ఖర్చు పెట్టినా సరే నానీని ఓడించలేకపోయారు.

ఓడిపోయాక అవినాష్ వైసీపీలోకి వెళ్లడంతో చంద్రబాబు మళ్ళీ రావిని గుడివాడ ఇన్‌చార్జ్‌గా పెట్టారు. ఇలా ఇన్‌చార్జ్‌గా ఉన్నా సరే నానికి రావి చెక్ పెట్టలేకపోతున్నారు. వచ్చే ఎన్నికల్లో సైతం నానీని ఓడించే కెపాసిటీ రావికి లేదు. అలాగే ఆర్ధికంగా కూడా నానీని ఢీకొట్టలేరు. ఇలాంటి పరిస్థితుల్లో మళ్ళీ గుడివాడలో కొడాలి నాని గెలుపుకు ఎలాంటి ఇబ్బంది లేదని తెలుస్తోంది. ఏదేమైనా నాని...టీడీపీ కంచుకోటగా ఉన్న గుడివాడని తన అడ్డాగా మార్చేసుకున్నారు.