నిజానికి మొన్నటి తిరుపతి లోక్ సభ ఉపఎన్నిక సందర్భంలో చంద్రబాబునాయుడు, లోకేష్ తో పాటు చాలామంది ప్రతిపక్షాల నేతలు మాస్కును ధరించలేదన్నది వాస్తవం. అయితే వాళ్ళని జనాలు పెద్దగా పట్టించుకోరు. కానీ జగన్ సగతి అలాకాదు. ముఖ్యమంత్రి కాబట్టి జనాలందరికీ  మార్గదర్శకంగా నిలబడాలి. మార్గదర్శకంగా నిలబడాల్సిన వ్యక్తి ముందు తాను కచ్చితంగా పాటించాలి. లేకపోతే జగన్నే జనాలు ఆదర్శంగా తీసుకునే ప్రమాధముంది. థాయిల్యాండ్ ప్రధానమంత్రికి మాస్కు ధరించలేదని అక్కడి ఉన్నతాధికారులు భారీ ఎత్తున జరిమానా విధించిన విషయం తెలిసిందే. మన దగ్గర అంత సీన్ లేకపోయినా మాస్కు ధరిస్తేనే జనాలందరికీ ఆదర్శంగా ఉంటారు. లేకపోతే మాస్కు ఎందుకు ధరించటం లేదనే విషయంలో జగన్ ఆదర్శంగా నిలిచిపోతారు.