అదనంగా, టి 20 ఇంటర్నేషనల్స్‌లో 26.41 సగటుతో 26 మ్యాచ్‌ల్లో 31 వికెట్లు పడగొట్టాడు. రబాడా 2014 నవంబర్‌లో ఆస్ట్రేలియాతో జరిగిన టీ 20 ఇంటర్నేషనల్‌తో కెరీర్‌లోకి అడుగుపెట్టాడు. ఈ మ్యాచ్‌లో అతను వికెట్లు తీయలేకపోయాడు. కానీ 2015 జూలైలో బంగ్లాదేశ్‌తో వన్డేలో అరంగేట్రం చేయడానికి రబాడాకు అవకాశం వచ్చినప్పుడు, అతను అపోనేంట్ జట్టును నీళ్ళు తాగించాడు. అలా ఆ తొలి వన్డేలో 6 వికెట్లతో ఓవర్‌నైట్ స్టార్ అయ్యాడు. ఇది మాత్రమే కాదు, ఈ మ్యాచ్‌లో రబాడా హ్యాట్రిక్ సృష్టించాడు. అతను టాప్ ఆర్డర్ బ్యాట్స్ మెన్ తమీమ్ ఇక్బాల్, లైటన్ దాస్ మరియు బంగ్లాదేశ్ కు చెందిన మహముదుల్లాను సైతం ఔట్ చేశారు. అలా వన్డే అరంగేట్రంలో హ్యాట్రిక్ సాధించిన ప్రపంచంలో రెండో బౌలర్ రబాడా. 

అలాగే 200 వికెట్లు తీసిన ఆసియాయేతర ఆటగాడుగా నిలిచాడు. రబాడా ఈ ఏడాది జనవరిలో 25 సంవత్సరాల 248 రోజుల వయసులో ఈ ఘనతను సాధించాడు. రబాడా 44 వ టెస్టులో 79 ఇన్నింగ్స్‌లలో 200 వికెట్లు పూర్తి చేశాడు. 40.8 స్ట్రైక్ రేట్‌తో 22.96 సగటుతో 200 వికెట్లు పడగొట్టాడు. ఇక ఐపీఎల్ లో ఆయన ఢిల్లీ కాపిటల్స్ తరపున ఆడుతున్నారు. గతేడాది అత్యధిక వికెట్లతో సత్తాచాటి పర్పుల్ క్యాప్ దక్కించుకున్న కగిసో రబాడ ఈ సీజన్లో మాత్రం అంచనాలను అందుకోలేకపోయాడన్న సంగతి తెలిసిందే. ఇతడి స్లో బాల్స్, యార్కర్స్ను సరిగ్గా అంచనా వేసిన బ్యాట్స్మెన్ ఇతడి బౌలింగ్ను చితక్కొట్టారు.