అలా టీడీపీ గెలుపుకు దూరమైన పార్లమెంట్ స్థానాలు రెండు ఉన్నాయి. ఆ రెండు కూడా కడప జిల్లాకు చెందినవే. కడప, రాజంపేట పార్లమెంట్ స్థానాల్లో టీడీపీకి భవిష్యత్ కనిపించడం లేదు. అసలు కడప పార్లమెంట్ స్థానంలో టీడీపీ ఒక్కసారే గెలిచింది. 1984 ఎన్నికల్లో డి‌ఎన్ రెడ్డి టీడీపీ తరుపున గెలిచారు. ఇక ఎక్కువ సార్లు కాంగ్రెస్ విజయం సాధించింది. అది కూడా వైఎస్ ఫ్యామిలీ సభ్యులే కడపలో సత్తా చాటుతున్నారు. 

నాలుగుసార్లు వైఎస్సార్ కడప ఎంపీగా గెలవగా, రెండుసార్లు వైఎస్ వివేకానందరెడ్డి గెలిచారు. ఇక రెండుసార్లు జగన్ మోహన్ రెడ్డి గెలిచారు. ఇక 2014, 2019 ఎన్నికల్లో వైసీపీ తరుపున వైఎస్ అవినాష్ రెడ్డి విజయం సాధించారు. ప్రస్తుతం కడపలో టీడీపీ తరుపున నాయకుడు లేరు. గత ఎన్నికల్లో టీడీపీ తరుపున పోటీ చేసి ఓడిపోయిన ఆదినారాయణరెడ్డి వైసీపీలోకి వెళ్ళిపోయారు. దీంతో కడపలో టీడీపీ తరుపున నిలబడే నాయకుడు లేదు. ఒకవేళ నాయకుడుని పెట్టిన గెలుపు గగనమే.

కడప తర్వాత టీడీపీ గెలుపుకు దూరమైన స్థానం రాజంపేట. ఇక్కడ టీడీపీ రెండుసార్లు గెలిచింది.  1984, 1999 ఎన్నికల్లో మాత్రమే టీడీపీ విజయం సాధించింది. ఎక్కువసార్లు కాంగ్రెస్ గెలవగా, గత రెండు పర్యాయాల నుంచి వైసీపీ గెలుస్తూ వస్తుంది. వైసీపీ తరుపున మిథున్ రెడ్డి విజయం సాధించారు. గత ఎన్నికల్లో టీదీపీ తరుపున డి‌ఏ సత్యప్రభ పోటీ చేసి ఓడిపోయారు. ఇటీవల సత్యప్రభ మరణించారు. దీంతో రాజంపేటలో టీడీపీకి దిక్కు లేకుండా పోయింది. భవిష్యత్‌లో మరో నాయకుడుని పెట్టినా సరే రాజంపేటలో టీడీపీ గెలుపు కష్టమే.