પૂર્વીય લદાખમાં ભારતીય સેનાનો એક્શન પ્લાન, રોડ નિર્માણનું કામ ચાલુ, જલ્દી બનાવાશે સુરંગ

લદાખ બોર્ડર પર બાંધકામ ચાલુ

ભારતીય સમાચાર એજન્સી એએનઆઈના અહેવાલ મુજબ, ભારતીય લેનાએ લદ્દાખમાં વિવિધ સ્થળોએ બાંધકામનું કામ શરૂ કર્યું છે. એવી સંભાવના છે કે ચીની સેના ફરીથી શિયાળામાં ભારતીય ક્ષેત્રમાં ઘુસણખોરી કરી શકે છે, જો કે આ વખતે ભારતીય સૈન્ય સંપૂર્ણ સજાગ છે. ભારતીય સેના એલએસી પર એવી રીતે બાંધકામ કરી રહી છે કે વધુને વધુ સૈનિકો ત્યાં રહી શકે. એએનઆઈના અહેવાલ મુજબ ભારતીય સૈન્યની રચનાનો હેતુ એ છે કે શિયાળાની ઋતુમાં ભારતીય સૈન્ય ખૂબ જ સરળતાથી ચીની ઘુસણખોરો પર કડક કાર્યવાહી કરી શકે છે. આપને જણાવી દઈએ કે શિયાળામાં લદાખમાં તાપમાન માઈનસ 45 ડિગ્રી સુધી નીચે જાય છે, તેથી ત્યાં સૈન્ય કાર્યવાહી કરવાનું ખૂબ જ મુશ્કેલ છે, તેથી ભારતીય સેનાએ તૈયારીઓ શરૂ કરી દીધી છે.

ભારતીય સેનાનો પાંચ વર્ષિય પ્લાન

એએનઆઈના અહેવાલ મુજબ, ભારતીય સૈન્ય છેલ્લા એક વર્ષથી પાંચ વર્ષની યોજના પર કામ કરી રહ્યું છે. જે અંતર્ગત નિર્માણ કાર્ય ઝડપી ગતિએ કરવામાં આવી રહ્યું છે. સરકારી સુત્રોના જણાવ્યા અનુસાર, 'ગયા વર્ષે ચીની સૈનિકો સાથે હિંસક અથડામણ બાદ ભારતીય સેના સંપૂર્ણ આયોજન સાથે કામ કરી રહી છે. જે અંતર્ગત, ભારતીય સેના છેલ્લા એક વર્ષથી પાંચ વર્ષના પ્લાનિંગ પર કામ કરી રહી છે. ભારતીય સેના નવા બાંધકામોની કામગીરી ઝડપી ગતિએ ચલાવી રહી છે જેથી લદાખમાં હાલમાં સૈનિકોની સંખ્યા આગામી સમયમાં બમણી થઈ શકે અને સૈનિકોને કોઈ મુશ્કેલી ન પડે તે માટે કામગીરી કરવામાં આવી રહી છે. એક સંભાવના મુજબ, ભારત અને ચીનની સેનાએ પૂર્વ લદ્દાખમાં પોતપોતાના વિસ્તારમાં 50,000 થી વધુ સૈનિકો તૈનાત કર્યા છે. પેંગોગ સેક્ટરમાં નિલિટ્રી ડિસએન્ગેજમેન્ટ પછી પણ ભારે સૈનિકો બંને બાજુ તૈનાત કરવામાં આવ્યા છે.

આખુ વર્ષ ચાલુ રહી મિલિટ્રી મુવમેન્ટ

ભારત સરકારના સુત્રોના જણાવ્યા અનુસાર એલએસી પર હજી પણ એન્જિનિયરિંગ અને બાંધકામનું કામ ચાલી રહ્યું છે અને સૈનિકોના રહેવા અને લશ્કરી કામગીરી માટે બાંધકામનું કામ કરવામાં આવી રહ્યું છે. ભારત એલએસી પર સતત રસ્તાઓ બનાવી રહ્યું છે અને એલએસીના જુદા જુદા ભાગોમાં માર્ગ બાંધકામ કરવામાં આવી રહ્યું છે, જેથી સૈનિકોને સરળતાથી એક જગ્યાએથી બીજી જગ્યાએ લઈ જઈ શકાય. પૂર્વ લદ્દાખથી નીમુ-પદ્મ-દર્ચ સુધી માર્ગ નિર્માણનું કામ ચાલી રહ્યું છે, જેના કારણે લદાખથી દેશના અન્ય ભાગોથી સૈનિકોની હિલચાલ ખૂબ જ સરળતા સાથે કરવામાં આવશે. તે જ સમયે, અહેવાલ મુજબ, ભારતીય સંરક્ષણ મંત્રાલય ટૂંક સમયમાં સાડા ચાર કિલોમીટરની ટનલ બનાવવાની બીઆરઓ દરખાસ્ત પસાર કરી શકે છે, જેની મદદથી ભારતીય સૈન્ય સલામત રીતે આગળ વધી શકે. તે જ સમયે, સૂત્રો કહે છે કે રસ્તો બનાવવાની કામગીરી વ્યૂહાત્મક સ્થાનથી લઈને દરેક મહત્વપૂર્ણ સ્થળે નિર્ધારિત તારીખ પહેલા પૂર્ણ કરવામાં આવશે.