జగన్ జైలుకు వెళ్లినప్పుడు వైసీపీ కోసం గట్టిగానే కష్టపడారు. ఓ వైపు కాంగ్రెస్, మరోవైపు టీడీపీలని ఎదురుకుని మీడియా డిబేట్లలో వైసీపీ తరుపున బలమైన వాయిస్ వినిపించారు. ఇక 2014 ఎన్నికల్లో జూపూడి కొండపి నియోజకవర్గం నుంచి వైసీపీ తరుపున పోటీ చేశారు. అయితే ఊహించని విధంగా జూపూడి ఓటమి పాలయ్యారు. అలాగే సొంతవాళ్లే తనని ఓడించారని అసంతృప్తి, మరోవైపు టీడీపీ అధికారంలోకి రావడంతో ఆ పార్టీలోకి జంప్ కొట్టేశారు.

టీడీపీలోకి వచ్చాక జూపూడికి ఎమ్మెల్సీ పదవి దక్కింది. అలాగే చంద్రబాబు, జూపూడిని ఎస్సీ, ఎస్టీ కార్పొరేషన్ ఛైర్మన్‌ని కూడా చేశారు. జూపూడి సైతం మీడియా డిబేట్లలో, సమావేశాల్లో టీడీపీ తరుపున బలమైన వాయిస్ వినిపించేవారు. ఇక 2019 ఎన్నికల్లో జూపూడికి ఏ సీటు రాలేదు. ఆ తర్వాత ఎన్నికల్లో టీడీపీ ఘోరంగా ఓడిపోవడం, వైసీపీ అధికారంలోకి రావడం జరిగిపోయాయి.

దీంతో జూపూడి కార్పొరేషన్ ఛైర్మన్ పదవికి రాజీనామా చేయాల్సి వచ్చింది. దానికితోడు ఎమ్మెల్సీ పదవీకాలం ముగియడంతో జూపూడి మళ్ళీ వైసీపీ వైసీపీలోకి వచ్చేశారు. జగన్ సమక్షంలో వైసీపీ కడువా కప్పేసుకున్నారు. వైసీపీలో చేరాక జూపూడి రాజకీయాల్లో పెద్దగా యాక్టివ్‌గా ఉండటం లేదు. ఏదో రెండు, మూడు సందర్భాల్లో మీడియా ముందు కనిపించారు. అలాగే ఆయనకు వైసీపీలో ఎలాంటి పదవి రాలేదు. మరి చూడాలి జూపూడి వైసీపీలో ఎప్పుడు లైన్‌లోకి వస్తారో?