ఇక్కడే సీఐడీ చేసిన పొరబాటు బయటపడింది. ఎంపిని అరెస్టు చేసి విజయవాడకు తీసుకురాగానే వైద్య పరీక్షలు చేయించుంటే బాగుండేది. వైద్య పరీక్షలు మొత్తాన్ని వీడియో తీయించుంటే ఎంపికి ఉన్న ఎడీమా సమస్య అప్పుడే  బయటపడేది. ఎంపికి ఉన్న ఎడీమా సమస్య వల్లే కాళ్ళవాపులు, అరిపాదాల రంగు మారినట్లు గుంటూరు మెడికల్ బోర్డు నిర్ధారించింది. ఇదంతా ఎప్పుడు జరిగిందంటే కొట్టారనే ఆరోపణలను ఎంపి చేయటం, దానికి స్పందనగా మెజిస్ట్రేట్ వైద్య పరీక్షలు చేయించాలని ఆదేశించిన తర్వాతే ఎడీమా సమస్య బయటపడింది. ఈ వైద్య పరీక్షలేవో కస్టడీలోకి తీసుకోగానే చేయించేసుంటే ఎంపికి ఎడీమా ఉందనే విషయం మెజిస్ట్రేట్ కు విచారణలోనే తెలిసేది. ఎలాగూ వీడియో సాక్ష్యం ఉండేది కాబట్టి ఇబ్బంది ఉండేది కాదు. ఏదేమైనా సీఐడీ చేసిన తప్పు కారణంగానే ఎంపికి బెయిల్ వచ్చినట్లు లాయర్లు చెప్పుకుంటున్నారు.