ఆయన కుటుంబాన్ని పరామర్శించడానికి వెళ్ళిన లోకేష్ సుధాకర్ తల్లి పక్కనే కూర్చుని ఆమె చేతిలో చేయి వేసి మరి అందరూ ఉన్నామని ధైర్యం చెప్పారు.. ఈ అంశమే ఇప్పుడు చర్చనీయాంశంగా మారింది. నిజానికి రాజకీయాల్లో ఉన్న వారికి ఈ హ్యూమన్ టచ్ అనేది చాలా ముఖ్యమైన విషయం. ముఖ్యమంత్రి జగన్ సైతం ఈ పాలసీని ఎక్కువగా ఫాలో అవుతుంటారు.. తన పాదయాత్రలో సైతం కనిపించిన వారిని పలకరిస్తూ వారితో కరచాలనం చేస్తూ, బుగ్గలు నిమురుతూ, తల నిమురుతూ ఆయన తాను మీ అందరివాడిని అనే సంకేతాలు ప్రజల్లోకి పంపగలిగారు. 

కానీ చంద్రబాబు నాయుడు విషయానికి వస్తే ఆయన ఇప్పుడు ఒక ఆఫీసర్ లాగానే వ్యవహరిస్తూ ఉంటారు. దూరంగా ఉంటూ, దూరం నుంచి మాట్లాడుతూ ఉంటారు. గతంలో పార్టీ నుంచి బయటకు వచ్చేటప్పుడు గన్నవరం ఎమ్మెల్యే వంశీ మోహన్ సైతం ఈ ఆరోపణలు గుప్పించిన సంగతి అందరికీ గుర్తుండే ఉంటుంది. ఇవి ఆరోపణలు అని టీడీపీ భావించినా అవన్నీ నిజాలే, అయితే కాదు చంద్రబాబు ఎందుకో కానీ అలా హ్యూమన్ టచ్ కి అలవాటు పడలేదు.

 ఇప్పుడు ఆయనలో లేని ఆ లక్షణం కోసం లోకేష్ తపిస్తున్నాడు.. ఖచ్చితంగా అది ఉంటే ప్రజల్లోకి పాజిటివ్ సంకేతాలు పంపినట్లు అవుతుందని భావిస్తూ వీలైనంతగా ప్రజల్లోకి చొచ్చుకు వెళ్లి వారితో మమేకం కావడానికి ప్రయత్నిస్తున్నాడు. దీంతో తెలుగుదేశం శ్రేణులు కాస్త ఆనందం వ్యక్తం చేస్తున్నాయి. ఎలాగూ పార్టీ బాధ్యతలు చేపట్టేది లోకేష్ కాబట్టి ఆయన ఈ మేరకు పరిణితి పొందుతూ ఉండడం వారికి ఆనందం కలిగిస్తోంది.