దళిత డాక్టర్ సుధాకర్ గారిది ముమ్మాటికీ ప్రభుత్వ హత్యేనన్న లోకేష్ ఎంతో మంది ప్రాణాలు కాపాడిన ఒక గొప్ప డాక్టర్ ని శాడిస్ట్ జగన్ రెడ్డి బలితీసుకున్నాడని అన్నారు. డాక్టర్ సుధాకర్ గారు మాస్క్ ఇవ్వమని అడిగినందుకు ఈ శాడిస్ట్ ప్రభుత్వం ఆయన పై కక్ష కట్టిందని అన్నారు. నడి రోడ్డు పై పడేసి చేతులు వెనక్కి విరిచి వేధించారు.పిచ్చోడనే ముద్ర వేసాని, ఆసుపత్రి లో ఉన్న లోపాలు బయటపెట్టినందుకే స్థానిక ఎమ్మెల్యే తనను టార్గెట్ చేశారని డాక్టర్ సుధాకర్ గారు చెప్పారని లోకేష్ అన్నారు.    సుధాకర్ విషయంలో ప్రభుత్వం,పోలీసులు వ్యవహరించిన తీరును వివరిస్తూ తెలుగు మహిళా అధ్యక్షురాలు అనిత గారు రాసిన లేఖ ను హై కోర్టు సుమోటోగా విచారణకు స్వీకరించిందని అన్నారు. 

గాయాలు,ఆయన మానసిక స్థితి పై ప్రభుత్వం ఇచ్చిన తప్పుడు నివేదికలపై ఆగ్రహం  వ్యక్తం చేసిన  హైకోర్టు సీబీఐ దర్యాప్తుకు ఆదేశించిందని అన్నారు. అయినా ఈ శాడిస్ట్ జగన్ రెడ్డి డాక్టర్ గారిని ప్రశాంతంగా ఉండనివ్వలేదు, మంత్రులు నేరుగా బెదిరింపులకు దిగారని అన్నారు. తప్పు ఒప్పుకుంటే ఉద్యోగం ఉంటుంది లేకపోతే ఇబ్బందులు తప్పవు అని బెదిరించారని అన్నారు.  జూన్ 6,2020 న సీబీఐ కేసు రిజిస్టర్ చేసింది.సెప్టెంబర్ 2 ,2020 న డాక్టర్ సుధాకర్ కేసులో కుట్ర కోణం ఉందని సీబీఐ హైకోర్టుకు నివేదిక అందజేసింది. న్యాయం జరిగే లోపే ఆయన చనిపోవడం బాధాకరం, ఆఖరికి ఆయన చనిపోయిన తర్వాత కూడా శాడిస్ట్ జగన్ రెడ్డి వదలలేదని లోకేష్ అన్నారు. సుధాకర్ కుటుంబానికి టీడీపీ అండగా ఉంటుందని ఆయన అన్నారు.