అయినప్పటికీ వినాయక్-ఎన్టీఆర్ కాంబినేషన్ పై క్రేజ్ ఏమాత్రం తగ్గలేదు. వీరిద్దరి కాంబినేషన్లో మరొక సినిమా కోసం అభిమానులు ఎంతగానో ఎదురు చూశారు. అయితే వీరిద్దరి కాంబినేషన్ 2010లో వచ్చిన అదుర్స్ సినిమాతో మరొకసారి రిపీట్ అయింది. ఈ సినిమాతో వీరి కాంబో బాక్సాఫీస్ వద్ద సూపర్ హిట్ గా నిలిచింది. ఎన్టీఆర్ ను వరుస ప్లాపులు వెంటాడుతున్న ఆ సమయంలో అదుర్స్ మూవీ బిగ్ హిట్ నిలవడమే ఎన్టీఆర్ లోని మరో కోణాన్ని ప్రేక్షకులకు పరిచయం చేసింది. ముఖ్యంగా అదుర్స్ మూవీలో చారిగా ఎన్టీఆర్ పంచిన కామెడీ ఏ స్థాయిలో ప్రేక్షకులను నవ్వించిందో అందరికీ తెలిసిందే. ఇక ఈ సినిమా బాక్సాఫీస్ వద్ద కలెక్షన్ల పరంగానూ మంచి వసూళ్లనే రాబట్టింది. 

అదుర్స్ మూవీ తరువాత ఎన్టీఆర్ వివి వినాయక్ కాంబినేషన్ పై మరింత క్రేజ్ ఏర్పడింది. అయితే అదుర్స్ తర్వాత వీరిద్దరి కాంబినేషన్లో ఇంతవరకు ఎలాంటి మూవీ రాలేదు. గతంలో వీరిద్దరి ఇద్దరి కాంబినేషన్లో ఓ సినిమా రాబోతుంది అంటూ ఎన్నో వార్తలు వచ్చినప్పటికీ అవి వార్తలు గానే మిగిలిపోయాయి. ఏది ఏమైనప్పటికీ ఎన్టీఆర్ ను సరికొత్తగా ప్రజెంట్ చేయడంలో వివి వినాయక్  శైలి చాలా ప్రత్యేకమైనది. దాంతో వీరిద్దరి క్రేజీ కాంబో కోసం అభిమానులు ఎంతగానో ఎదురుచూస్తున్నారు. మరి ఈ కాంబినేషన్ ఎప్పుడు సెట్ అవుతుందో చూడాలి.