సూపర్ హిట్ గా నిలిచిన “స్టూడెంట్ నెం 1” మూవీ 42 సెంటర్స్ లో శతదినోత్సవం జరుపుకుంది. ఇక వీరి కంబోలో వచ్చిన రెండో సినిమా సింహాద్రి. విజయ మారుతి క్రియేషన్స్ బ్యానర్ పై ఎస్ ఎస్ రాజమౌళి దర్శకత్వంలో ఎన్టీఆర్ హీరోగా రూపొందిన “సింహాద్రి “మూవీ ఘనవిజయం సాధించి రికార్డ్ కలెక్షన్స్ తో బ్లాక్ బస్టర్ గా నిలిచింది. ఎన్టీఆర్ డ్యాన్స్ , యాక్షన్ సీన్స్ , డైలాగ్ డెలివరీ ప్రేక్షకులను విశేషంగా ఆకట్టుకున్నాయి. సింహాద్రి 52 సెంటర్స్ లో 175 రోజులు ప్రదర్శించబడి ఒక రికార్డ్ కూడా క్రియేట్ చేసింది. 

ఇక వీరి కాంబోలో వచ్చిన మూడో సినిమా యమదొంగ. విశ్వామిత్ర క్రియేషన్స్ బ్యానర్ పై దర్శకుడు రాజమౌళి , హీరో ఎన్టీఆర్ కాంబినేషన్ లో హ్యాట్రిక్ మూవీ గా రూపొందిన సోషియో ఫాంటసీ “యమదొంగ ” మూవీ ఘనవిజయం సాధించింది. లెజెండరీ యాక్టర్ సీనియర్ ఎన్టీఆర్ గ్రాఫిక్స్ ద్వారా కనిపించడం, హీరో ఎన్టీఆర్ ఒక సాంగ్ కు గళాన్ని అందించడం విశేషం. “యమదొంగ ” మూవీ 92 సెంటర్స్ లో శతదినోత్సవం జరుపుకుంది. ఇక వీరి కాంబోలో తెరకెక్కుతున్న నాలుగో సినిమా ఆర్ఆర్ఆర్. ఈ సినిమా మరిన్ని రికార్డులు బద్దలు కొట్టడం ఖాయం. చూడాలి మరి ఏమేరకు రికార్డులు బద్దలు కొడుతుందో?