ఒకవేళ కరోనా వ్యాక్సిన్ కోసం ఆన్లైన్లో అపాయింట్మెంట్ బుక్ చేసుకున్న వారు ఒకవేళ ఆ రోజు రాకపోతే ఆ టీకా డోసులు నిరుపయోగంగా మారుతున్నాయి అని, ఆ వేస్టేజ్ ను కొంతలో కొంత తగ్గించేందుకుగాను ప్రభుత్వ వ్యాక్సిన్ కేంద్రాల వద్ద 18 - 44 ఏళ్ల మధ్య వారికి ఆన్ సైట్ రిజిస్ట్రేషన్ అవకాశం కల్పిస్తున్నామని పేర్కొంది. అయితే దీనిపై తుది నిర్ణయం రాష్ట్రాలు, కేంద్రపాలిత ప్రాంతాల ప్రభుత్వానిదేనని కేంద్రం స్పష్టం చేసింది. ఒకవేళ 18-44 ఏళ్ల వారికి ఆయా రాష్ట్రాలు ఆన్‌సైట్‌ రిజిస్ట్రేషన్‌కు అనుమతినిస్తే.. అది కేవలం ప్రభుత్వ వ్యాక్సిన్ కేంద్రం వద్ద మాత్రమే అందుబాటులోకి తీసుకురావాలని తెలిపింది. 

ప్రయివేటు కేంద్రాల వద్ద వాక్‌-ఇన్‌ నమోదులను చేపట్టొద్దని సూచించింది. ఇక ఆన్‌సైట్‌ రిజిస్ట్రేషన్‌ సమయంలో టీకా కేంద్రాల వద్ద ఎలాంటి రద్దీ లేకుండా చూసుకోవాలి అని ఆరోగ్య శాఖ స్పష్టం చేసింది. మే 1 నుంచి 18 ఏళ్ల పైబడిన వారందరికీ టీకాలు ఇచ్చేందుకు కేంద్రం ఆమోదం తెలిపిన విషయం తెలిసిందే. అయితే 18-44 ఏళ్ల వారు కచ్చితంగా కొవిన్‌ లేదా ఆరోగ్యసేతు యాప్‌లో ముందస్తుగా నమోదు చేసుకోవడం తప్పనిసరి అని పేర్కొంది. 18 ఏళ్ల పైబడిన వారికి టీకాలు ఇవ్వొచ్చని కేంద్రం చెప్పినప్పటికీ వ్యాక్సిన్ కొరత కారణంగా రాష్ట్రాలు టీకా పంపిణీ ఇంకా ప్రారంభించలేదు. తెలుగు రాష్ట్రాల్లో కూడా కేవలం 45+ వారికి మాత్రమే వ్యాక్సిన్ ఇస్తున్నారు.