ఈ సినిమా తమిళంలో, హిందీలో కూడా డబ్ చేస్తే అక్కడ కూడా సంచలనాలు క్రియేట్ చేసింది. బాలకృష్ణ, బి గోపాల్ కలయికలో వచ్చిన మూడో సినిమా ‘సమరసింహా రెడ్డి’. ఈ సినిమా అయితే తెలుగులో ఇప్పటివరకు ఉన్న అన్ని రికార్డులను బద్దలు కొట్టింది. తెలుగులో ఫ్యాక్షన్ సినిమాలకు ట్రెండ్ సెట్టర్‌గా కూడా నిలిచింది. ఇక వీరి కలయికలో వచ్చిన నాలుగో చిత్రం ‘నరసింహ నాయుడు’. ఈ చిత్రం కూడా బాక్సాఫీస్ రికార్డులను తిరగరాసింది. 

బాలకృష్ణ, బి.గోపాల్ కలయికలో వచ్చిన ఐదో చిత్రం ‘పలనాటి బ్రహ్మనాయుడు’. ఈ చిత్రం అందరి అంచనాలను తలకిందులు చేస్తూ బాక్సాఫీస్ దగ్గర డిజాస్టర్ గా నిలిచింది. ఆ తర్వాత వీళ్లిద్దరి కలయికలో ‘హర హర మహాదేవ’ అనే సినిమా మొదలు పెట్టినా ఎందుకో ఆగిపోయింది. ఇక చాలా రోజుల తర్వాత వీళ్ల కాంబినేషన్‌లో మరో సినిమా రాబోతున్నట్లు ప్రచారం జరుగుతోంది. ఇందులో నిజం ఎంత ఉందో చూడాలి. త్వరలో అఫీషియల్ ప్రకటన వెలువడే అవకాశం ఉందని అంటున్నా ఎప్పటికి క్లారిటీ వస్తుందో చూడాలి మరి.