అయితే రాష్ట్రంలో టీడీపీ గాలి ఉన్నా సరే తునిలో మాత్రం వైసీపీ హవా నడిచింది. తునిలో దాడిశెట్టి రాజా విజయం సాధించారు. 2019 ఎన్నికల్లో సైతం యనమల ఫ్యామిలీకి ఎదురుగాలి వీచింది. మళ్ళీ దాడిశెట్టి రాజా విజయం సాధించారు. రెండోసారి విజయం సాధించిన రాజా దూకుడుగా పనిచేస్తున్నారు. యనమల ఫ్యామిలీకి ఏ మాత్రం అవకాశం ఇవ్వకుండా, వైసీపీని మరింతగా బలోపేతం చేస్తున్నారు.

ప్రభుత్వ పథకాలు ఈయనకు బాగా ప్లస్ అవుతున్నాయి. అలాగే ఇళ్ల పట్టాల కార్యక్రమం కూడా బాగా అడ్వాంటేజ్ అయింది. ఇక స్థానిక సంస్థల ఎన్నికల్లో వైసీపీ మంచి విజయాలు సాధించింది. అటు యనమల ఫ్యామిలీ దాడిశెట్టి హవాకు అడ్డుకట్ట వేయలేకపోతుంది. యనమల రామకృష్ణుడు పెద్దగా యాక్టివ్‌గా ఉండటం లేదు. అటు కృష్ణుడు సైతం నియోజకవర్గంలోని ప్రజల సమస్యలపై పెద్దగా పోరాటం చేయడం లేదు.

పైగా గతంలో టీడీపీ అధికారంలో ఉండటంతో యనమల ఫ్యామిలీ చేసిన అక్రమాలు చాలానే ఉన్నాయి. రామకృష్ణుడు మంత్రిగా ఉండటంతో, కృష్ణుడు నియోజకవర్గంలో పెత్తనం చేశారు. అలాగే పలు అక్రమాలకు పాల్పడ్డారనే విమర్శలు కూడా ఉన్నాయి. అందుకే ప్రజలు 2019లో దాడిశెట్టిని మళ్ళీ గెలిపించారు. ఇక వచ్చే ఎన్నికల్లో సైతం తునిలో దాడిశెట్టికి తిరుగుండదని తెలుస్తోంది. యనమల ఫ్యామిలీ టీడీపీ తరుపున బరిలో ఉంటే మళ్ళీ విజయం దాడిశెట్టిదే అని నియోజకవర్గంలో ప్రచారం జరుగుతుంది. మొత్తానికైతే తునిలో యనమల ఫ్యామిలీకి పెద్ద ఛాన్స్ లేనట్లే కనిపిస్తోంది.