అనన్య పాండే హీరోయిన్ గా నటిస్తున్న ఈ సినిమాను పూరి జగన్నాథ్, కరణ్ జోహార్ ధర్మ ప్రొడక్షన్స్ తో కలిసి నిర్మిస్తున్నారు. పూరి కనెక్ట్స్ బ్యానర్ ను నిర్వహిస్తున్న ఛార్మి ఈ సినిమా నిర్మాణంలో పాలు పంచుకుంటున్నారు. తాజాగా అందుతున్న సమాచారం మేరకు పూరి జగన్నాథ్ యష్ కి ఒక కథ చెప్పినట్లు సమాచారం. కేజిఎఫ్ తో ప్యాన్ ఇండియా క్రేజ్ తెచ్చుకున్న యష్ గతంలో పూరి జగన్నాథ్ తో సినిమా చేస్తున్నట్లు క్లారిటీ ఇచ్చారు. ఇప్పుడు కేజిఎఫ్ పార్ట్ 2 కూడా పూర్తి కావస్తున్న నేపథ్యంలో ఈ మధ్యకాలంలో పూరి జగన్నాథ్ తో యష్ కొన్ని సిట్టింగ్స్ కి కూర్చున్నట్లు సమాచారం. 

ఈ సిట్టింగ్స్ లో పూరి జగన్నాథ్ సిద్ధం చేసిన పొలిటికల్ థ్రిల్లర్ యష్ కి బాగా నచ్చిందట. దీంతో ఆయన గ్రీన్ సిగ్నల్ ఇచ్చాడని ప్రచారం జరుగుతోంది.. తెలుగు, కన్నడ భాషలలో తెరకెక్కించబోయే ఈ సినిమాని మిగతా అన్ని భాషల్లో డబ్ చేసి రిలీజ్ చేసే అవకాశాలున్నాయి. కేజిఎఫ్ సినిమాతో ప్యాన్ ఇండియా క్రేజ్ తెచ్చుకున్నాడు. ఇక ఇప్పుడు విజయ్ దేవరకొండ సినిమాతో పూరీ క్రేజ్ తెచ్చుకోనున్నాడు. ఈ ఇద్దరూ కలిసి సినిమా చేయడం ఆసక్తికరంగా మారింది.