సినిమాలు తగ్గాయనో లేక ఏమో తెలియదు కానీ ఈ భామ ఇప్పుడు సోషల్ మీడియాలో యాక్టివ్ అవుతోంది. చాలా చిన్న వయసులోనే తల్లి పాత్రలకు గ్రీన్ సిగ్నల్ ఇచ్చిన ఆమె చాన్నాళ్ళ నుంచి ఇండస్ట్రీలో క్యారెక్టర్ ఆర్టిస్టుగా స్థిరపడిపోయింది. ఎక్కువగా తల్లి వదిన అత్త పాత్రలు చేసే ఆమె లాక్ డౌన్ మొదలైనప్పటి నుంచి సోషల్ మీడియాలో రకరకాల వీడియోలు, ఫోటోలు పోస్ట్ చేస్తూ పాపులారిటీ సంపాదించింది. 

మరీ ముఖ్యంగా ఆమె చేస్తున్న వర్కౌట్ వీడియోలు అలాగే డాన్స్ వీడియోలు ఎప్పటికప్పుడు వైరల్ అవుతూ ఉంటాయి. ఆమె అప్లోడ్ చేయడమే ఆలస్యం కుర్రకారు ఆ వీడియోలను వెంటనే వైరల్ చేసి పారేస్తున్నారు. 

నిజానికి హీరోయిన్ పాత్రలు చేయాల్సిన వయసులో ఆమె అమ్మ పాత్రలు చేయడానికి గ్రీన్ సిగ్నల్ ఇచ్చింది. తన సీనియర్ నటీమణి ఒకరు ఇచ్చిన సలహా ప్రకారం అలా చేశానని గతంలో ప్రగతి చెప్పుకొచ్చింది. ఎందుకంటే హీరోయిన్ లైఫ్ స్పాన్ అనేది చాలా తక్కువగా ఉంటుందని అదే క్యారెక్టర్ ఆర్టిస్ట్ అయితే ఆ స్పాన్ ఎక్కువగా ఉంటుందని సదరు నటీమణి తనకు సలహా ఇచ్చిందని ప్రగతి చెప్పుకొచ్చింది. 

మొత్తం మీద ఏదైతేనేం ప్రగతి ఈ వయసులో కూడా ఫిజిక్ మెయింటైన్ చేస్తూ కుర్రకారుని ఆకట్టుకుంటోంది. మరీ ముఖ్యంగా తన వయసు వాళ్ళు ఎవరూ సోషల్ మీడియా వాడకపోయినా తాను మాత్రం సోషల్ మీడియాలో యాక్టివ్ గా ఉంటూ అభిమానులను హాట్ హాట్ వీడియోలు, ఫొటోలతో అలరిస్తోంది.