సమంత ఈ సిరీస్లో ఒక తమిళ ఉగ్రవాది పాత్రలో నటిస్తుండగా ఆమె నట విశ్వరూపం ట్రైలర్ లోనే అర్థమైపోయింది. ఒక మహిళా ఉగ్రవాది అంటే ఇలానే ఉంటుందా అనిపించే అంతబాగా సమంత ఒదిగిపోయింది. అయితే సమంత అలా మారడం వెనుక చాలా కష్టం ఉందని అంటున్నారు ఈ సిరీస్ దర్శకులు రాజ్, డీకేలు.ఈ సిరీస్ ప్రమోషన్లో భాగంగా వారు వివిధ సంస్థలకు ఇంటర్వ్యూ ఇస్తున్నారు. ఇందులో భాగంగా ఒక ఇంటర్వ్యూలో వారు మాట్లాడుతూ సమంత ఇలా కనిపించడానికి ఎన్నో నిద్రలేని రాత్రులు గడిపిందని వారు చెప్పుకొచ్చారు. 

అంతేకాక ఒక రోజు సీక్వెన్స్ పూర్తయిన తర్వాత సమంతను రషెస్ చూడమని అడిగామని, అది చూసిన సమంత కన్నీళ్లు పెట్టుకుని చాలా సేపు ఏడుపు ఆపలేదు అని చెప్పుకొచ్చారు. అలా ఏడుస్తూ క్యారవాన్ లోకి వెళ్లిన సమంత కొద్దిసేపటి తర్వాత నార్మల్ అయ్యి అప్పుడు బయటకు వచ్చిందని వారు పేర్కొన్నారు. ఇక ఈ పాత్ర సమంత కోసం రూపొందించబడింది అన్నట్టు సమంత చెలరేగి నటించిందని వారు చెప్పుకొచ్చారు. ఇక వారు చెప్పిన మాటలు విన్న వారంతా సమంత మరీ ఇంత సెన్సిటివా అంటూ కామెంట్స్ చేస్తున్నారు. కానీ తన నటనా తానే చూసి సమంత ఏడవడం మాత్రం సంచలనంగా మారింది.