കോഴിക്കോട് > കോവിഡ് പ്രതിരോധ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് അഞ്ച് ദിവസംകൊണ്ട് 27 ലക്ഷത്തിലധികം രൂപ സംഭരിച്ച് എസ്എഫ്ഐ ജില്ലാ കമ്മിറ്റി.
മെയ് 15 മുതൽ 19വരെ സംഘടിപ്പിച്ച വാക്സിൻ ചലഞ്ച് വഴിയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് എസ്എഫ്ഐ സംഭാവന സമാഹരിച്ചത്‌. വൈവിധ്യങ്ങളായ പ്രവർത്തനങ്ങളാണ് പണം സംഭരിക്കാൻ സംഘടിപ്പിച്ചത്. മുഖചിത്രം വരച്ച് നൽകിയും മൂല്യമുള്ള വസ്തുക്കൾ ഓൺലൈനിൽ ലേലംചെയ്തും ഓൺലൈൻ ഗെയിമുകൾ സംഘടിപ്പിച്ചും നാടിന്റെ ജീവരക്ഷക്കായുള്ള തുക കണ്ടെത്തി. കുട്ടികൾ സമ്പാദ്യ കുടുക്ക നൽകി പങ്കാളിയായി.
വിവിധ ഏരിയാ കമ്മറ്റികൾ സമാഹരിച്ച തുക. കുന്നുമ്മൽ –5,05,050, കോഴിക്കോട് സൗത്ത്‌ –2,85,149, കൊയിലാണ്ടി –2,02,143, പേരാമ്പ്ര –1,85,454, ബാലുശേരി– 1,83,532, കോഴിക്കോട് നോർത്ത്‌ –1,76,676, നാദാപുരം – 1,70,033, കക്കോടി –1,56,032, തിരുവമ്പാടി –1,31,154, വടകര– 1,27,151, താമരശേരി –1,06,422, കുന്നമംഗലം – 87,234, ഒഞ്ചിയം – 75,219, കോഴിക്കോട് ടൗൺ 73,699, പയ്യോളി – 63,402, ഫറോക്ക് –56,634, കോഴിക്കോട് ഗവ. മെഡിക്കൽ കോളേജ് – 55,064, ഗവ. നേഴ്സിങ്‌ കോളേജ് – 51, 627, ഗവ. ഹോമിയോ കോളേജ് –13,260, കോഴിക്കോട് ഗവ. പാരാമെഡിക്കൽ 4057 എന്നിങ്ങനെ വിവിധ ഘടകങ്ങൾ ദുരിതാശ്വാസ നിധിയിലേക്ക് പണം കൈമാറി. പ്രതിസന്ധി ഘട്ടത്തിലും ദുരിതാശ്വാസ നിധിയിലേക്ക് പണംനൽകി വാക്സിൻ ചലഞ്ചിനെ പിന്തുണച്ചവരെ ജില്ലാ സെക്രട്ടറി ടി അതുലും പ്രസിഡന്റ്‌ ആർ സിദ്ധാർഥും അഭിവാദ്യംചെയ്‌തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
