ఇక అంతకు ముందు మీడియాతో మాట్లాడిన వైద్యారోగ్య శాఖ ముఖ్య కార్యదర్శి అనిల్ కుమార్ సింఘాల్ ఆనందయ్య ఆయుర్వేద చికిత్సపై అధ్యయనం జరుగుతోందని అన్నారు. కేంద్ర ఆయుష్ శాఖ ప్రతినిధులతో సంప్రదింపులు జరిపామమ ఆయన ఆయుష్ విభాగం అధ్యయనం చేయనుంది.. సోమవారం ఆయుష్ బృందం కృష్ణపట్నం వెళ్లనుందని పేర్కొన్నారు. ఏపీ ఆయుష్ కమిషనర్ ఇప్పటికే వెళ్లారన్న ఆయన ఇప్పటి వరకు జరిగిన అధ్యయనంలో ఆనందయ్య ఆయుర్వేదం విషయంలో ఎలాంటి ఇబ్బంది లేదనే చెబుతున్నారని హానికారకాలు ఉన్నట్టు తేలలేదని అన్నారు. 

అయితే శాస్త్రీయపరంగా మరింత అధ్యయనం చేయాల్సి ఉందన్న అనిల్ ఆనందయ్య ఆయుర్వేద మందు తయారీ ఏ విధంగా చేస్తున్నారోననేది రేపు డిమానిస్ట్రేషన్ చేయబోతున్నారని అన్నారు. ఇక కృష్ణపట్నం గ్రామంలో ఆనందయ్య మందు వినియోగం.. కరోనా కేసుల నమోదుపై అధ్యయనం చేస్తున్నామని ఆయన పేర్కొన్నారు. ఇక ఉదయమే ఆనందయ్య ఇస్తున్న ఆయుర్వేద ఔషధంపై సీఎం జగన్‌ కీలక నిర్ణయం తీసుకున్నారు. ఆ ఔషధం గురించి అధ్యయనం చేయాలని నిర్ణయించారు. కొవిడ్‌పై నిర్వహించిన సమీక్షలో ఈ మేరకు సీఎం జగన్‌ ఆదేశాలు ఇచ్చారు. నెల్లూరు జిల్లా కృష్ణపట్నానికి ఐసీఎంఆర్‌ బృందాన్ని పంపాలని.. ఆయుర్వేద వైద్యంపై శాస్త్రీయ నిర్ధారణ చేయించాలని ఆయన స్పష్టం చేశారు.