ఇక్కడ గమనించాల్సిన మరో విషయం ఏమిటంటే ఒక్కరోజు అసెంబ్లీకి రావటానికి ఇష్టపడని చంద్రబాబుకు అఖిలపక్షం నిర్వహించమని మాత్రం జగన్ను పదే పదే డిమాండ్ చేస్తున్నారు. అసెంబ్లీకే హాజరుకానీ చంద్రబాబుకు అఖిలపక్ష సమావేశం మాత్రం ఎందుకంటు వైసీపీ నేతలు వెటాకారాలాడుతున్నారు. ఎక్కడో హైదరాబాద్ లో కూర్చుని అఖిలపక్ష సమావేశం పెట్టు, ఒక్కరోజు అసెంబ్లీని బహిష్కరిస్తున్నామని పదే పదే గోల చేయటం మాత్రం ఎక్కువైపోయింది. అయినా తాను అధికారంలో ఉన్నపుడు చంద్రబాబు ఏ ఒక్క అంశంలో అయినా అఖిలపక్ష సమావేశం పెట్టారా ? అప్పట్లో ప్రతిపక్షాలు ఎన్నిసార్లు అఖిలపక్ష సమావేశానికి డిమాండ్ చేసినా ఏరోజు పట్టించుకోలేదు. మరలాంటిది తాను ప్రతిపక్షంలోకి రాగానే అఖిలపక్ష సమావేశం పెట్టమని డిమాండ్ చేస్తే అధికారపక్షం ఎందుకు పట్టించుకుంటుంది ?