అంతేత‌ప్ప‌.. ఇత‌ర సంక్షేమ ప‌థ‌కాల‌పై ఏ ఒక్క రాష్ట్ర ప్ర‌భుత్వ‌మూ దృష్టి పెట్ట‌లేదు. దీంతో ఏ రాష్ట్రంలో ప‌రిస్థితిని గ‌మ‌నించినా.. క‌రోనా చ‌ర్య‌లు, ఆక్సిజ‌న్‌, వ్యాక్సినేష‌న్ ప్ర‌క్రియ వంటి వాటి చుట్టూతానే తిరుగుతున్నాయి. కానీ, ఏపీలో మాత్రం విద్యార్థుల‌కు కానుక‌లు ఇస్తున్నారు. ఇంటింటి స‌ర్వే చేయిస్తున్నారు. మ‌రో వైపు క‌రోనా కిట్లు పంచుతున్నారు. ఇక‌, రైతులకు భ‌రోసా విడుద‌ల చేశారు. కేంద్రం కంటే ముందుగానే.. ఏపీలో రైతుల‌కు వైఎస్సార్ రైతు భ‌రోసాను అమ‌లు చేశారు. అలాగ‌ని క‌రోనాను సీఎం జ‌గ‌న్‌.. నిర్ల‌క్ష్యం చేయడంలేదు.

అయితే.. ఇంత జ‌రుగుతున్నా.. టీడీపీ అనుబంధ ఎల్లో మీడియా  మాత్రం.. జ‌గ‌న్ ఏమీ చేయ‌డం లేద‌ని.. పెద్ద ఎత్తున ప్రచారం చేస్తున్నారు. అంతేకాదు.. వైసీపీ ఎంపీ ర‌ఘురామ‌కృష్ణ‌రాజు.. టెక్నిక‌ల్‌గా వైసీపీ ఎంపీ అయిన‌ప్ప‌టికీ.. టీడీపీ నేత‌లు, ఎల్లో మీడియా మాత్రం క‌న్నీరు కార్చేస్తున్న తీరు.. పెద్ద ఎత్తున విమర్శ‌ల‌కు కేంద్రంగా మారింది. ప్ర‌జ‌ల గురించి ప‌ట్టించుకోవ‌డం లేద‌ని రాసేందుకు.. జ‌గ‌న్ అన్ని వ‌ర్గాల‌ను శాటిస్ఫాక్ష‌న్ చేస్తున్నారు.

అదేస‌మ‌యంలో ఆక్సిజ‌న్‌, వ్యాక్సిన్ వంటి అంశాల‌పై చురుగ్గా వ్య‌వ‌హ‌రిస్తున్నారు. ఇక‌, తాజాగా క‌రోనా కార‌ణంగా మృతి చెందిన వారి పిల్ల‌లు అనాథ‌లుగా మారితే.. వారికి ప్ర‌భుత్వం త‌ర‌ఫున రూ.10 ల‌క్ష‌లు ప్ర‌క‌టించారు.. జ‌గ‌న్‌. ఇలాంటి వార్త‌ల‌కు ఎక్క‌డా చోటు పెట్ట‌ని ఎల్లో మీడియా.. ఎంత‌సేపూ... జ‌గ‌న్‌పై విమ‌ర్శ‌ల‌కే ప్రాధాన్యం ఇస్తోంద‌ని అంటున్నారు ప‌రిశీల‌కులు.