సరే తమిళనాడు విషయాన్ని పక్కన పెట్టేసి ఏపి రాజకీయాలను చూద్దాం. 2014లో రాష్ట్ర విభజన తర్వాత చంద్రబాబునాయుడు అధికారంలోకి వచ్చిన దగ్గర నుండి రాజకీయాలు చాలా అధ్వాన్నమైపోయాయనే చెప్పాలి. ప్రతిపక్షనేత జగన్మోహన్ రెడ్డిని ఎలాగైనా రాజకీయాల్లో లేకుండానే చేయాలని చంద్రబాబు చేసిన ప్రయత్నాలు అందరికీ తెలిసిందే. అసెంబ్లీలో ప్రధాన ప్రతిపక్ష నేత హోదా కూడా లేకుండా జగన్ను దెబ్బ కొట్టేందుకు ఫిరాయింపులను ఏ స్ధాయిలో ప్రోత్సహించారో అందరు చూసిందే. సరే ఖర్మంచాలక టీడీపీ ఓడిపోయి చంద్రబాబు ప్రతిపక్షంలో కూర్చున్నారు. జగన్ అధికారంలోకి వచ్చిన తర్వాత కూడా ప్రభుత్వాన్ని గబ్బుపట్టిద్దామనే చంద్రబాబు ప్రయత్నాలు చేస్తున్నారు. కాబట్టి రాష్ట్ర రాజకీయాలు చాలా భ్రష్టుపట్టిపోయాయి. సరే చంద్రబాబు ఎంతటి నీచ రాజకీయాలు చేస్తున్నా జగన్ హుందా రాజకీయాలు మొదలుపెడితే మంచి ప్రారంభం అన్నట్లే లెక్క. కక్షారాజకీయాల్లో చంద్రబాబును కాకుండా స్టాలిన్ను ఎందుకు జగన్ ఆదర్శంగా తీసుకోకూడదు ?