అయితే తాజాగా హుజరాబాద్ నియోజకవర్గంలో రెండు రోజుల క్రితం జై కేసీఆర్ అంటూ నినదించి మంత్రి గంగుల కమలాకర్ ను కలిసిన వాళ్ళు మళ్ళీ జై ఈటల నినాదం అందుకుని మళ్ళీ ఈటలను కలవడం ఆసక్తికరంగా మారింది. రెండు రోజుల క్రితం మంత్రిని కలిసి టీఆర్ఎస్ లోనే కొనసాగుతానని ప్రకటించిన వారే మళ్లీ ఈటెల ఈటెల వద్దకు వెళ్లి ఈటలకు మద్దతు ఇస్తామని చెబుతున్నారు. హుజురాబాద్ కేంద్రంగా జరుగుతున్న ఈ రాజకీయం ఇప్పుడు రంజుగా మారింది. 

హుజూరాబాద్ నియోజకవర్గం లోని వీణవంక ఎంపీటీసీ రేణుక భర్త తిరుపతి రెడ్డి ఆదివారం నాడు కరీంనగర్ లో ఉన్న మంత్రి గంగుల కమలాకర్ ను కలిశారు. కలిసి తాము తెరాస లోనే కొనసాగుతానని ఆయన కమలాకర్ కు హామీ ఇచ్చారు. అలా జరిగి రెండు రోజులు కూడా గడవకముందే మంగళవారం నాడు హుజురాబాద్ పర్యటనకు వచ్చిన ఈటెల సమక్షంలో ఎంపీపీ రేణుక దంపతులిద్దరూ ప్రత్యక్షమయ్యారు. దీంతో అసలు హుజురాబాద్ లో ఏమి నడుస్తోంది అనే చర్చ ఇప్పుడు పెద్ద ఎత్తున జరుగుతోంది. నియోజకవర్గంలో టీఆర్ఎస్ లో ఎవరున్నారు ? ఈటల వెనుక ఎవరు నడుస్తున్నారు అనేది అర్థం కాకుండా పోతుంది అని స్థానిక నాయకులు వాపోతున్నారు.