సారా పాత్రలో కూడా శ్రద్ధా శ్రీనాథ్ ఉన్నంతలో పర్వాలేదనిపించింది. అలా ఈ సినిమా తెలుగులో సూపర్ హిట్ గా నిలిచింది.. ఈ సినిమా ఆద్యంతం ప్రేక్షకులను ఆకట్టుకోవడంతో అప్పుడే ఈ సినిమాకు అవార్డు లభిస్తాయి అని అందరూ భావించారు.. మరీ ముఖ్యంగా నాని నటనకు ప్రేక్షకులు ఫిదా కావడంతో ఆయనకు ఉత్తమ నటుడు అవార్డు వస్తుందని కూడా భావించారు. కానీ ప్రేక్షకుల అంచనాలు తప్పాయి. ఉత్తమ తెలుగు సినిమాగా నాని హీరోగా నటించిన ఈ సినిమాను ఎంపిక చేశారు. కానీ నానీకి మాత్రం ఎలాంటి అవార్డు రాలేదు. 

అయితే ఈ సినిమాకి ఎడిటర్ గా చేసిన నవీన్ నూలికి ఉత్తమ ఎడిటర్ గా కూడా జాతీయ అవార్డు దక్కింది. ఈ సినిమాకి అలా రెండు అవార్డులు దక్కాయి. ఇక ఈ సినిమాకు మరో అరుదైన గౌరవం కూడా దక్కింది.   దాదా సాహెబ్ ఫాల్కే సౌత్ తెలుగు కేటగిరిలో 2019 కి సంబంధించిన అవార్డులలో  ఉత్తమ చిత్రంగా ‘జెర్సీ’ సినిమా అవార్డు కైవసం చేసుకుంది. జెర్సీలో నానికి జోడీగా శ్రద్ధ శ్రీనాథ్, రెబా మోనికా జాన్‌‌లు నటించారు. సత్యరాజ్, రోనిత్ కుమార్, బ్రహ్మాజీ ముఖ్య పాత్రలు పోషించారు. అనిరుధ్ రవిచందర్ సంగీతం సమకూర్చగా.. సాను వర్ఘీస్ సినిమాటోగ్రఫీ అందించారు.