ఇప్పటి దాకా ఈ ఓటీటీలో ఎక్స్ క్లూజివ్ ఏదైనా ఉందా ? అంటే అది వర్మ డీ కంపెనీ మాత్రమే.  నిజానికి వర్మ గత సంవత్సరం లాక్ డౌన్ టైమ్ లో కూడా ఓటీటీలో సినిమాలు రిలీజ్ చేసి సెన్సేషన్ క్రియేట్ చేశాడు. ఈసారి కూడా స్పార్క్ అంటూ ముందుకొచ్చారు. మోస్ట్ వాంటెడ్ టెర్రరిస్ట్ దావూద్ ఇబ్రహీం జీవిత కథ ఆధారంగా సంచలన దర్శకుడు రాంగోపాల్ వర్మ తెరకెక్కించిన డీ కంపెనీ స్ట్రీమింగ్ తో ఈ ఓటీటీకి శ్రీకారం చుట్టారు. 

అయితే సాగర్ కి చెందిన ఒటీటీ అయినా సరే ఇది వర్మదే అనే ప్రచారం జరుగుతోంది. యూకే కేంద్రంగా కార్యకలాపాలు సాగిస్తున్న ఇంక్రివెల్ టెక్నాలజీస్ ప్రైవేట్ లిమిటెడ్ డెవలప్ చేసిన ఈ స్పార్క్ ఓటీటీలో సంచలన దర్శకుడు రాంగోపాల్ వర్మ ఏకంగా ఓ థియేటర్ ను అద్దెకు తీసుకున్నారు. ఈ థియేటర్ లో వర్మకు చెందిన అన్ని రకాల సినిమాలు స్ట్రీమ్ కానున్నాయి. ఇక వర్మ డీ కంపెనీ నిరాశపరచడంతో పాటు మరో ఎక్స్ క్లూజివ్ కంటెంట్ ఏదీ లేకపోవడం కూడా సబ్ స్క్రిప్షన్ తీసుకున్న వాళ్ళు నిరాశ పడ్డారు. పెద్ద హైప్ ఇచ్చి వర్మ తుస్సుమనిపించాడు అని వాపోతున్నారు.