పవన్ కళ్యాణ్ చాలా దయగల మనిషి అని అభిమానులతో పాటు ఆయనతో పనిచేసిన నటీనటులు, టెక్నీషియన్లు కూడా చెబుతుంటారు. జూనియర్ ఆర్టిస్ట్ ఎం. ఎస్ చౌదరి కూడా పవన్ కళ్యాణ్ ఒక మంచి మనస్తత్వం గల వ్యక్తి అని అన్నారు. గబ్బర్ సింగ్, అజ్ఞాతవాసి, వకీల్ సాబ్ సినిమాల్లో పవన్ కళ్యాణ్ తో కలిసి నటించే అవకాశం రావడం తన అదృష్టం అని ఆయన అన్నారు.

డైరెక్టర్ హరీష్ శంకర్ కి తనంటే ఒక మంచి అభిప్రాయం ఉందని.. ఆయనే తనని పవన్ కల్యాణ్ కి పరిచయం చేశారని ఎం.ఎస్ చౌదరి అన్నారు. కానీ ఒక విషయంలో తాను చాలా బాధపడ్డాను అని ఆయన అన్నారు. పవన్ అందర్నీ చాలా అభినందించారు కానీ తనను అభినందించలేదని ఆయన ఆవేదన వ్యక్తం చేశారు.

"గబ్బర్ సింగ్ సినిమా షూటింగ్ తీస్తున్న సమయంలో జూనియర్ ఆర్టిస్టులు అందరూ కలిసి పాటలు పాడాల్సి ఉంది. అయితే అందరూ పాటలు పాడి పవన్ యొక్క ప్రశంసలు పొంది బాగా ఆనందపడ్డారు. కానీ నాకు పాట పాడే ఛాన్స్ వచ్చినప్పుడు పవన్ కళ్యాణ్ లంచ్ కి వెళ్లారు. దీంతో నేను పాట పాడుతున్నప్పుడు షూటింగ్ లో ఆయన లేరు. ఫలితంగా పవన్ కళ్యాణ్ మందు పాట పాడే అవకాశాన్ని కోల్పోయాను. అంతే కాకుండా పవన్ కళ్యాణ్ యొక్క ప్రశంసలు పొందటం మిస్ అయ్యాను, " అని ఎం. ఎస్ చౌదరి ఒక ఇంటర్వ్యూలో చెప్పుకొచ్చారు.