గత చంద్రబాబు ప్రభుత్వం ఎన్నికలకు ఒక సంవత్సరం ముందు రూ. 5 లకే భోజనం అందించింది. అన్నా క్యాంటీన్ ద్వారా పేదలకు, కూలీలకు ఉదయం టిఫిన్, మధ్యాహ్నం, రాత్రి భోజనం అందించింది. ఇక ఈ క్యాంటీన్ ద్వారా చాలామంది పేదలు లబ్ది పొందారు. అయితే జగన్ అధికారంలోకి రాగానే క్యాంటీన్లకు మూతవేసింది. ఇక ఇందులో కొన్ని క్యాంటీన్లని వార్డు సచివాలయాలుగా వాడుకుంటుంది.

అయితే ఇలా పేద ప్రజలకు ఉపయోగపడే క్యాంటీన్లు మూసివేయడంపై టీడీపీ రెండేళ్ల నుంచి పోరాటం చేస్తూనే ఉంది. కనీసం వాటికి వైఎస్సార్ క్యాంటీన్ అని పేరు పెట్టి నడిపించాలని కోరింది. కానీ జగన్ మాత్రం క్యాంటీన్ల గురించి ఎక్కడా పట్టించుకోలేదు. ఒకవేళ వాటిని ఓపెన్ చేసి రన్ చేస్తే, చంద్రబాబుకు బెన్‌ఫిట్ అవుతుందని అనుకున్నారేమో గానీ, క్యాంటీన్ల జోలికే వెళ్లలేదు.

కానీ తాజాగా తమిళనాడులో అధికారంలోకి వచ్చిన డి‌ఎం‌కే అధినేత స్టాలిన్ సీఎం అయ్యాక, గత అన్నాడి‌ఎం‌కే ప్రభుత్వంలో పెట్టిన అమ్మ క్యాంటీన్లని మూసివేయకుండా, అది పేరు, అదే జయలలిత బొమ్మతో రన్ చేస్తున్నారు. ఇక ఇది చూసైనా జగన్ బుద్ధి తెచ్చుకోవాలని టీడీపీ నేతలు విమర్శలు చేస్తున్నారు. సీఎం జగన్ అన్నా క్యాంటీన్లను మూసివేసి పేదలకు అన్నం లేకుండా చేశారని ఫైర్ అవుతున్నారు. మొత్తానికైతే అన్నా క్యాంటీన్ల విషయంలో జగన్ లైట్ తీసుకున్నట్లే కనిపిస్తోంది.