పవన్ కళ్యాణ్ కి కరోనా రావడంతో హరిహర వీరమల్లు, మలయాళం సినిమా రీమేక్ సినిమాలు షెడ్యూల్ కూడా మార్పు చేసుకోవాల్సి వచ్చింది. అనిల్ రావిపూడి కి కరోనా సోకడంతో ఆయన సినిమా షూటింగు కూడా వాయిదా పడింది. ఇవి కేవలం కొన్ని ఉదాహరణలే ఇలా ఒక్కొక్కరికి కరోనా కేసులు బయటపడుతూ ఉండడంతో దాదాపుగా షూటింగ్ లు అన్నీ షెడ్యూల్స్ మార్చుకోవాల్సిన పరిస్థితి ఏర్పడింది. ప్రస్తుతానికి లాక్ డౌన్ వలన ఎలాగూ షూటింగులు జరగడం లేదు. కానీ లాక్ డౌన్ సడలింపులు ఇచ్చాక అయినా మళ్లీ షూటింగులో యధావిధిగా జరగాలి అంటే హీరోహీరోయిన్లు సహా యూనిట్లో దాదాపు వరకు అందరికీ వ్యాక్సిన్ వేయించాలని అంటున్నారు. 

లేదా వారిలో ఒక్కరికి కరోనా వచ్చినా షూట్ ఆపాల్సిన పరిస్థితి మళ్ళీ వస్తుంది. అయితే వాళ్లందరికీ వ్యాక్సిన్ వేయించడం అనేది ఇప్పుడు కత్తి మీద సాములా మారింది. నిజానికి సినీ కార్మికులు అందరికీ కరోనా వ్యాక్సిన్ వేయిస్తా మని చిరంజీవి గతంలో ప్రకటించారు. కానీ ఇప్పుడు వ్యాక్సిన్ అందరికీ అందుబాటులోకి రావడమే కష్టంగా మారింది. ఈ సమయంలో వయసుతో సంబంధం లేకుండా సినిమా రంగానికి చెందిన అందరికీ వ్యాక్సిన్ వేయిస్తే కానీ షూటింగులు మొదలు పెట్టలేని పరిస్థితి. మరి వాళ్ళందరికీ ఎప్పటికి వ్యాక్సిన్ అందుతుందో ? చూడాలి మరి.