అప్పటికే స్టార్ హీరోగా ఉన్న శింబు ఈ సినిమాలో హీరోగా ఎంపిక కాగా ఆయనతో కొంత భాగం షూటింగ్ కూడా జరిపారు అట. అనుకోని కారణాలతో శింబు తప్పుకోవడంతో శింబు స్థానంలోకి జీవా వచ్చి చేరాడు. అలా అలా ఒక స్టార్ హీరో తప్పుకోవడంతో వచ్చి చేరిన మరో హీరో స్టార్ హీరో హోదా సంపాదించాడు. ఈ సినిమాతోనే రాధ కుమార్తె కార్తీక టాలీవుడ్ ఎంట్రీ ఇచ్చింది. 

పియా బాజ్ పేయి, అజ్మల్, ప్రకాష్ రాజ్, కోట శ్రీనివాసరావు లాంటి ఇతర నటీనటులు ఈ సినిమాలో కీలక పాత్రలలో నటించారు. ఇక శింబు కూడా ఈ విషయాన్ని కె.వి.ఆనంద్ మరణించినప్పుడు తన సంతాప సందేశంలో వివరించారు. తాము ఇద్దరం కలిసి ఆ సినిమాకి పని చేయాల్సి ఉందని అనుకోని కారణాల కారణంగా అది జరగలేదని చెప్పుకొచ్చారు. ఆ తర్వాత కూడా ఆనంద శింబు కోసం మరో కధ సిద్ధం చేసి చెప్పడంతో అది కూడా చేయాలని భావించారట. కానీ ఆ సినిమా కూడా కార్యరూపం దాల్చలేదు.