అయితే బాలకృష్ణ తర్వాత కూడా స్టార్ హీరోతోనే సినిమా చేయాలని ప్రయత్నాలు చేస్తున్న బోయపాటి తాజాగా అల్లు అర్జున్ తో ఒక సినిమా చేయడానికి కూడా ప్రయత్నాలు చేస్తున్నట్లు ప్రచారం జరుగుతోంది. వీరిద్దరి కాంబినేషన్లో గతంలో సరైనోడు అనే సూపర్ హిట్ సినిమా వచ్చింది. ఈ నేపధ్యంలోనే అల్లు అర్జున్ తనకు మరో అవకాశం ఇస్తాడని బోయపాటి భావిస్తున్నాడు. ప్రస్తుతం అల్లు అర్జున్ సుకుమార్ దర్శకత్వంలో పుష్ప అనే సినిమా చేస్తున్నాడు. ఈ సినిమా పూర్తయిన వెంటనే కొరటాల శివతో సినిమా ప్రారంభించాల్సి ఉంది. 

కానీ కొరటాల శివ ఎన్టీఆర్ తో సినిమా అనౌన్స్ చేసిన కారణంగా ఈ గ్యాప్ లో తనతో సినిమా చేయమని బోయపాటి అల్లు అర్జున్ ని కోరినట్లు సమాచారం. అయితే అల్లు అర్జున్ ఏమో పాన్ ఇండియా లెవల్ లో ప్రాజెక్టులు చేయాలని చూస్తున్నాడు. పుష్ప సినిమా పాన్ ఇండియా లెవెల్ లో రిలీజ్ అవుతుండటంతో ఇప్పటికే ఆయన ప్రశాంత్ నీల్ సహా కొందరు స్టార్ డైరెక్టర్లతో చర్చలు జరుపుతున్నాడు. ఇలాంటి తరుణంలో బోయపాటికి అల్లు అర్జున్ అవకాశం ఇస్తాడా అనేది కూడా అనుమానాస్పదమే. ఈ నేపథ్యంలోనే బోయపాటి ఏమి చేయాలో తెలియని సందిగ్ధావస్థలో ఉండిపోయాడు అని అంటున్నారు.