అలాగే టీడీపీ సగంలోనే ఆపేసిన అభివృద్ధి పనులని పూర్తి చేస్తున్నారు. రామిరెడ్డిపల్లిలో పీహెచ్‌సీ ఏర్పాటు, ఆర్టీసీ బస్‌ సౌకర్యం, అసంపూర్తిగా ఉన్న కూడలి బ్రిడ్జి నిర్మాణం లాంటి పనులు పూర్తికి కృషి చేస్తున్నారు. ఇక వైఎస్సార్ హయాంలో శంకుస్థాపన జరిగిన పోలంపల్లి రాజీవ్ మునేరు డ్యామ్ నిర్మాణానికి ప్రయత్నాలు చేస్తున్నారు. చిల్లకల్లు హైవే వద్ద ట్రామా కేర్ సెంటర్ ఏర్పాటు, కృష్ణా నది పై వైకుంఠపురం గ్రామం సమీపంలో బ్రిడ్జి నిర్మాణం చేపట్టేలా కృషి చేస్తున్నారు.

అర్హులైన ప్రతి ఒక్కరికీ పథకాలు అందుతున్నాయి. ఈ పథకాలే సామినేనికి బాగా ప్లస్ అవుతున్నాయి. అటు టీడీపీ తరుపున తాతయ్య కూడా గట్టిగానే కష్టపడుతున్నారు. ప్రజలకు ఎలాంటి కష్టం వచ్చినా తోడుగా ఉంటున్నారు. నియోజకవర్గంలో సమస్యలపై పోరాడుతున్నారు. సీనియర్ నేత నెట్టెం రఘురాంతో కలిసి పార్టీని బలోపేతం చేస్తున్నారు. నెక్స్ట్ ఎన్నికల్లో మళ్ళీ టీడీపీ జెండా ఎగరవేయడమే లక్ష్యంగా పనిచేస్తున్నారు.

అయితే ప్రస్తుతానికైతే నియోజకవర్గంలో సామినేని బలం పెద్దగా తగ్గినట్లు కనిపించడం లేదు. అలా అని టీడీపీని తక్కువ అంచనా వేయడానికి వీల్లేదు. ఎలాంటి పరిస్థితుల్లోనైనా ఇక్కడ తాతయ్య పుంజుకునే అవకాశాలు కనిపిస్తున్నాయి. కాస్త సామినేని మీద వ్యతిరేకిత మొదలైతే పరిస్తితి మొత్తం మారిపోతుంది. కానీ జగన్ అందిస్తున్న సంక్షేమ పథకాలు సామినేనికి బాగా ప్లస్ అవుతున్నాయి. పథకాల పట్ల ప్రజలు ఆకర్షితులై ఉన్నారు. కాబట్టి ప్రస్తుతానికి జగ్గయ్యపేటలో సామినేనికి వచ్చే ఇబ్బంది పెద్దగా లేదనే చెప్పొచ్చు.