విష హరిణీగా పిలవబడే బూడిదగుమ్మడికాయ ఆటలమ్మ జ్వరము, కామెర్లు, మధుమేహ వ్యాధులను తగ్గిస్తుంది. బూడిద గుమ్మడికాయ రసం బట్ట తల, చుండ్రు వంటి సమస్యలకు ఔషధంగా పనిచేస్తుంది. బూడిద గుమ్మడి కాయలో ఫైబర్ పుష్కలంగా లభిస్తుంది కాబట్టి డైట్ చేసే వాళ్ళకి ఇది బెస్ట్ ఛాయస్ అవుతుంది. నెలసరి సమయంలో ఆడవారు మూత్రంలో మంట, శరీరంలో వేడి వంటి సమస్యలు ఎదుర్కొన్నప్పుడు గుమ్మడి కాయ రసం నాలుగు చెంచాల తేనెతో పుచ్చుకుంటే ఉపశమనం కలుగుతుంది.

గుమ్మడి కాయ లోని గింజలు కూడా ఔషధ గుణాలను కలిగి ఉంటాయి. గుమ్మడికాయ గింజలు మెత్తగా దంచి కొబ్బరి పాలలో కలుపుకొని తాగితే కడుపులోని పురుగులు మలం ద్వారా బయటకు వెళ్లిపోతాయి. ముక్కు ద్వారా లేదా మూత్రం ద్వారా రక్తం పడుతుంటే.. బూడిద గుమ్మడికాయ ముక్కలు తేనే ఉసిరికాయ లతో కలిపి తీసుకోవడం వల్ల రక్తస్రావం ఆగిపోతుంది. మూత్రద్వారం, కిడ్నీలు శుభ్రపరచడంలో బూడిద గుమ్మడికాయ కీలక పాత్ర పోషిస్తుంది. బూడిద గుమ్మడికాయ రోజూ ఆహారంగా తీసుకోవడం వల్ల జీర్ణ వ్యవస్థ, శ్వాసక్రియ వ్యవస్థ, థైరాయిడ్ గ్రంథి పనితీరు మెరుగుపడుతాయి. చర్మ వ్యాధులతోపాటు శరీరం పైన పుండ్లను నయం చేయడంలో ఇవి బాగా ఉపయోగపడతాయి.