ఈ ఉదయం నుంచి తెలంగాణ బోర్డర్ లో ఒక చెక్ పోస్ట్ ఏర్పాటు చేసిన తెలంగాణ పోలీసులు అంబులెన్స్ లో హైదరాబాద్ కరోనా చికిత్స కోసం వెళుతున్న అందరిని వెనక్కి తిప్పి పంపుతున్నారు. ఒకవేళ హైదరాబాద్ ఆసుపత్రుల నుంచి అనుమతులు గనుక పొందితే అప్పుడు వారిని హైదరాబాద్ తరలించేందుకు అనుమతిస్తున్నారు. కేవలం సాధారణ వాహనాలు, అలాగే గూడ్స్ వాహనాలకు మాత్రమే ఆంధ్రప్రదేశ్ నుంచి తెలంగాణకు అనుమతిస్తున్నారు. 

ప్రైవేట్‌ అంబులెన్స్‌లలో వచ్చేవారికి షరతులతో అనుమతులు జారీ చేస్తున్నట్లు ఏపీ పోలీసులు చెప్పారు. సూర్యాపేట జిల్లా కోదాడ మండలం రామాపురంలోని అంతర్రాష్ట్ర సరిహద్దు, కర్నూలు జిల్లా పుల్లూరు టోల్‌గేట్‌ వద్ద ఆ రాష్ట్ర పోలీసులు క్షుణ్ణంగా తనిఖీలు చేపడుతున్నారు. కొవిడ్‌ రోగులతో వెళ్తున్న అంబులెన్స్‌లను వెనక్కి పంపుతున్నారు. ఈ నేపధ్యంలోనే ఆంధ్ర ప్రదేశ్ పోలీసులు ఈ మేరకు ఒక ప్రకటన విడుదల చేయాల్సిన పరిస్థితి ఏర్పడింది.