ఇప్పుడు దేశవ్యాప్తంగా కరోనా కేసులు భారీగా పెరుగుతున్న నేపథ్యంలో చాలాచోట్ల బెడ్లు దొరకని పరిస్థితి నెలకొంది. ఒకవేళ దొరికినా ఆక్సిజన్ సిలిండర్లు, మందుల కొరత తీవ్రంగా వేధిస్తోంది. ఈ నేపథ్యంలో తమ వద్ద ఉన్న మెడికల్ ఎక్విప్మెంట్ అంతా ఒక హాస్పిటల్ కి రాధేశ్యామ్ యూనిట్ విరాళంగా ఇచ్చినట్లు సమాచారం. ప్రస్తుతం ఈ అంశం సోషల్ మీడియాలో వైరల్ గా మారింది. దాదాపు అందరూ రాధేశ్యామ్ యూనిట్ చేసిన పనిని మెచ్చుకుంటున్నారు. 

నిజానికి రాధేశ్యామ్ సినిమా కూడా త్వరలోనే రిలీజ్ కావాల్సి ఉంది. కానీ కరోనా కేసులు భారీగా పెరుగుతున్న నేపథ్యంలో ఈ సినిమా ఎప్పుడు రిలీజ్ చేస్తారు అనేది కూడా ఆసక్తికరంగా మారింది. ఈ సినిమాకు సంబంధించిన చివరి పాట షూటింగ్ కి ఏర్పాట్లు చేస్తున్నారు. విశ్వసనీయంగా అందుతున్న సమాచారం ప్రకారం పూజా హెగ్డే మరియు ప్రభాస్‌ లపై దాదాపుగా వంద మంది డాన్సర్‌ లతో ఆ పాట షూట్ జరుపబోతున్నట్లుగా తెలుస్తోంది. ఇక కరోనా సెకండ్ వేవ్‌ తర్వాత టాలీవుడ్‌ లో విడుదల కాబోతున్న మొదటి భారీ చిత్రంగా రాధే శ్యామ్‌ నిలుస్తుందని అంటున్నారు. చూడాలి మరి ఏమవుతుందో ?