నిక్కి తంబోలి సోదరుడు జతిన్ ను గతవారం కరోనా బలి తీసుకున్న విషయం తెలిసిందే. అయితే సోదరుడి మరణించిన వారం కూడా గడవలేదు అయినా సరే ఆమె సౌత్ ఆఫ్రికాకు 'కహట్రాన్ కే ఖిలాడి 11' అనే స్టంట్ బేస్డ్ రియాలిటీ షో షూటింగ్ కోసం వెళ్ళింది. నిక్కీ తన సహ పోటీదారులైన అర్జున్ బిజ్లానీ, రాహుల్ వైద్య, సనా మక్బూల్, అస్తా గిల్ తదితరులతో ఈ షోలో పాల్గొనడానికి వెళ్ళింది. కానీ సోదరుడు మరణించి వారం కూడా అవకుండానే ఆమె 'ఎంజాయ్' చేస్తోందంటూ చాలా మంది ఆమెను ట్రోల్ చేయడం మొదలు పెట్టారు. ముందు ఓపిక పట్టిన ఆమె చివరికి ఓపెన్ అయింది. 

కొంతమంది స్టుపిడ్స్ నా బ్రదర్ చనిపోయిన కొన్ని రోజులకే నేను ఎంజాయ్ చేస్తున్నాను అని, అందుకు నేను షేమ్ గా ఫీల్ అవ్వాలని నాకు మెసేజ్ చేస్తున్నారని, ఈ మేరకు నా పిక్స్ పై కామెంట్స్ చేస్తున్నారు అని పేర్కొంది. అలాంటి ఇడియట్స్ కు ఒకటే చెబుతున్నా, నాకు కూడా లైఫ్ ఉంటుంది, నా కోసం కాకపోయినా నేను హ్యాపీగా ఉండాలి, ఎందుకంటే నేను హ్యాపీగా ఉంటేనే నా బ్రదర్ నన్ను ఇష్టపడతాడని ఆమె చెప్పుకొచ్చింది. ఇక ఇలా కామెంట్స్ చేయడానికి, నెగెటివిటీ స్ప్రెడ్ చేయడానికి మాత్రమే టైం ఉండే పనీపాటా లేని వ్యక్తులు వెళ్ళి మీ కలలని సాకారం చేసుకోండి,  అలా చేస్తే మీ తల్లిదండ్రులు, మీరు ప్రేమించే వ్యక్తులు సంతోషిస్తారు" అంటూ ట్రోలర్స్ పై ఘాటుగా స్పందించింది.