కొన్నాళ్లపాటు హోమ్ ఐసోలేషన్ లో ఉన్న ప్రభాస్ ఆ తర్వాత హైదరాబాద్ నుంచి ముంబై చేరుకున్నారు. తాజాగా వెల్లడవుతున్న సమాచారం మేరకు ఆదిపురుష్ షూటింగ్ మొత్తం హైదరాబాద్ లో చేయాలని భావిస్తున్న యూనిట్ షూటింగ్ మొత్తాన్ని హైదరాబాద్ కి షిఫ్ట్ చేసినట్లు సమాచారం. ప్రస్తుతానికి ముంబైలో లాక్ డౌన్ విధించిన నేపథ్యంలో అక్కడ షూటింగ్ చేసే పరిస్థితి లేదు. కానీ హైదరాబాద్ లో ఎలాంటి ఆంక్షలు లేకపోవడంతో యూనిట్ అంతా హైదరాబాద్ వచ్చేస్తున్నారని తెలుస్తోంది. ఇక రాధేశ్యామ్ రిలీజ్ కి సంబంధించి కూడా కొంత ప్రచారం జరిగింది.

 ప్రస్తుతం సల్మాన్ ఖాన్ హీరోగా నటించిన రాధే సినిమా ఒక పక్క థియేటర్లలో రిలీజ్ చేస్తూ మరో పక్క పేపర్ వ్యూ విధానంలో రిలీజ్ చేస్తున్నారు. ఇదే పద్ధతిని రాధేశ్యామ్ సినిమా మేకర్స్ కూడా ఫాలో అయ్యే అవకాశం ఉందని ప్రచారం జరిగింది. ఆ విషయం మీద క్లారిటీ రాలేదు అనుకోండి. ఇక ప్రభాస్ లేడీ డైరెక్టర్ సుధ కొంగర చెప్పిన కథను ఫైనల్ చేశారని కూడా తాజాగా ప్రచారం జరిగింది. ఆకాశమే నీ హద్దురా అనే సినిమా చేసి ఏకంగా ఆస్కార్ నామినేషన్ దాకా తీసుకువెళ్ళిన సుధ ప్రభాస్ కి ఒక కథ చెప్పడంతో అది ఆయనకు నచ్చిందని పూర్తి స్క్రిప్ట్ సిద్ధం చేసుకుని రమ్మని కోరారు అని ప్రచారం జరిగింది. అలా వారం మొత్తం మీద ప్రతిరోజూ ప్రభాస్ ఏదో ఒక రకంగా వార్తల్లో నిలుస్తూనే ఉన్నాడు.