11 మంది పిల్లలకు జన్మనిచ్చిన కారణంగా ఆమె గర్భసంచి సంబంధిత క్యాన్సర్ బారిన పడ్డారు.. నిజానికి ఎన్టీఆర్ ఎప్పుడూ సినిమా షూటింగులతో బిజీగా ఉండేవారు. ఈ కారణంగానే పిల్లలందరికీ తండ్రితో కంటే తల్లి బసవతారకమ్మతోనే బాగా అనుబంధం ఏర్పడింది. ఎన్టీఆర్ రాజకీయాల్లోకి అప్పుడే ఎంట్రీ ఇస్తున్న సమయంలో ఆమెకు క్యాన్సర్ అని తెలియడంతో ఎన్టీఅర్ సహా కుటుంబం అంతా డీలా పడిపోయింది. ఆ తర్వాత ఆమెను క్యాన్సర్ చికిత్స కోసం విదేశాలకు సైతం తీసుకెళ్లి చాలా రోజుల పాటు ఆమెను బతికించుకునే ప్రయత్నం చేశారు. కానీ క్యాన్సర్ మహమ్మారి ఆమెని పూర్తిగా దెబ్బ తీసింది. పూర్తిగా పిల్లలు, భర్తే ప్రపంచం అంటూ బతికిన బసవతారకం క్యాన్సర్ మహమ్మారికి బలైపోయింది. 

తల్లి అంటే ఎంతో ప్రేమ చూపించే బాలకృష్ణ తన తల్లి పడిన వేదన ఇంకెవరికీ రాకూడదు అని భావించి ప్రపంచస్థాయి క్యాన్సర్ వైద్యాన్ని అందించేందుకు గాను తన తల్లి పేరుతోనే బసవతారకం ఇండో అమెరికన్ క్యాన్సర్ ఆసుపత్రి స్థాపించి ఎంతో మందికి క్యాన్సర్ పేషెంట్లకు చికిత్స అందిస్తున్నారు. ఇక్కడ ఆసక్తికరమైన అంశం ఏమిటంటే ఆర్థిక స్థితులను బట్టి చికిత్స చేయడం. అంటే డబ్బున్న వారు ఇక్కడ డబ్బు కట్టి చికిత్స చేయించుకోవచ్చు ఏమీ లేని పేద వారు సైతం ఉచితంగా చికిత్స చేయించుకోవచ్చు. అలా ఎప్పటికప్పుడు హాస్పిటల్ దాతల నుంచి నిధులు సమకూర్చుకుని వచ్చిన వారికి కాదనకుండా క్యాన్సర్ వైద్యం అందిస్తూ ఎందరో తల్లులకు కడుపుకోత మిగల్చకుండా పాటుపడుతోంది. తన తల్లి అనుభవించిన బాధ మరే తల్లి అనుభవించకూడదు అనే ఉద్దేశంతో బాలకృష్ణ నేడు ఎందరో తల్లులకు అండగా నిలబడుతున్నారు. ఈ ఆసుపత్రిలో ఉన్న బసవతారకమ్మ విగ్రహానికి రోజు పూజలు సైతం జరుగుతాయి. ఒక తల్లికి ఇంతకు మించిన గౌరవం ఇంకేం ఇవ్వగలం చెప్పండి.