ఈ క్రమంలో వారికి అక్కడికి అతి సమీపంలోని ఒంగోలు మండలం చెరువుకొమ్ముపాలెం దగ్గరలో 150 ఎకరాల భూమిని, పెళ్లూరు చెరువు కింద 20 ఎకరాల మాగాణి భూమి, చెరువుకొమ్ముపాలెంలో నివాసం ఉండేందుకు భూమిని ఇచ్చినట్లు ఆ గ్రామస్తులు చెబుతున్నారు. వెంకటగిరి రాజుల వారసులు ఈ గ్రామంలో ఉన్నా దివంగత ముఖ్యమంత్రి కరుణానిధి తాతల కాలంలో పంటలు పండక కరువు కాటకాల వల్ల ఇప్పటి చెన్నై అంటే అప్పటి చెన్నపట్నానికి వలస వెళ్ళినట్లు గ్రామస్తులు చెబుతున్నారు. అలా వెళ్ళిన వాళ్ళు ఏకంగా ముఖ్యమంత్రి స్థాయికి వెళ్ళడం తమ ఊరికి గర్వకారణం అని వారు చెబుతున్నారు. 

భూములు ఇప్పటికీ ఉన్నా వారు మాత్రం ఎప్పుడూ కూడా వచ్చిన దాఖలాలు మాత్రం లేవట. ఇక తమ పూర్వీకులది ఒంగోలు అని కరుణానిధి ఏలూరులో జరిగిన ఒక సాహిత్య సభలో ప్రస్తావించాడని, ఒంగోలులో జరిగే సాహిత్య సభకు కూడా త్వరలోనే వస్తానని చెప్పారని కానీ ఆయన రాలేదని అంటున్నారు. అన్నట్టు ఈ కుటుంబానిది నాయీ బ్రాహ్మణ కులం. ఎంతయినా మన తెలుగు వాళ్ళు పక్క రాష్ట్రానికి సీఎం అంటే మీకు వినడానికి, చెప్పుకోడానికి బాగుంది కదూ.. అన్నట్టు తెలంగాణ రాష్ట్ర సిఏం కేసీఆర్ ది సైతం విజయనగరం జిల్లానే. ఆయన పూర్వీకులు సైతం బ్రతుకు దెరువు కోసం తెలంగాణ వచ్చి సెటిల్ అయ్యారు.