కరోనా వైరస్ నియంత్రణ విషయంలో యావత్ దేశానికే చంద్రబాబు విధానాలు మార్గదర్శకంగా నిలిచినట్లు అదరగొడుతుంది మీడియా. వైరస్ నియంత్రణలో చంద్రబాబు తీసుకుంటున్న చర్యలను అధ్యయనం చేసేందుకు ప్రపంచ ఆరోగ్యం సంస్ధ నుండి నిపుణల బృందం ఏపికి వస్తున్నట్లు లీకువార్తలతో చావగొడతారు. కరోనా మహమ్మారిని అరికట్టడంలో ఇతర ముఖ్యమంత్రులతో చంద్రబాబు ఒక టీమ్ గా ఏర్పడి నరేంద్రమోడి సర్కార్ కే సూచనలు, సలహాలిస్తున్నారటని చెబుతుంది. ప్రపంచంలోని ఎక్కడెక్కడి దేశాల్లోని ప్రవాస డాక్టర్లంతా ఏపికి వచ్చేసి వైద్య సేవలందిస్తున్నట్లు రాస్తుంది మీడియా. అసలు చంద్రబాబు దెబ్బకు కరోనా వైరస్ పారిపోయింది కాబట్టి ఆల్ ఈజ్ వెల్ అంటు పదే పదే వార్తలు, కథనాలను మీడియా పోటిపడి వండి వారుస్తుంది. అవును ఇంతకన్నా ఏమి జరగదు. లోపల అసలు వ్యవహారం ఎలాగున్నా బయటికి మాత్రం మీడియా ఇలానే ప్రొజెక్టుచేస్తుంది. ఎందుకంటే 2014-19 మధ్య జరిగింది ఇదే కాబట్టి.