ఈ సినిమా మొదటి షెడ్యూల్ షూటింగ్ దుబాయ్ లో పూర్తయింది. రెండో షెడ్యూల్ షూటింగ్ హైదరాబాద్లో చేయాల్సి ఉండగా కరోనా రెండో దశ కారణంగా ఆగిపోయింది.. ఇదిలా ఉండగా మహేష్ బాబు తన తదుపరి సినిమా కూడా ప్రకటించాడు. త్రివిక్రమ్ మహేష్ బాబు కాంబినేషన్లో ఓ సినిమా తెరకెక్కబోతుంది. అయితే ఇప్పుడు కరోనా కారణంగా షూటింగ్ లు అన్నీ నిలిచిపోయాయి. ఈ నేపథ్యంలో ఈ ఈ వేస్ట్ అయిన సమయం అంతా కవర్ అయ్యేలాగా మహేష్ బాబు రెండు సినిమాలు ఒకసారి చేసే అవకాశం ఉందని అంటున్నారు.. 

సర్కారు వారి పాట ఒక షెడ్యూల్ పూర్తయిన వెంటనే త్రివిక్రమ్ సినిమా షెడ్యూల్ మొదలు పెట్టాలని ఆ షెడ్యూల్ పూర్తయిన వెంటనే సర్కారువారు పాట షెడ్యూల్ చేయాలని ఆయన భావిస్తున్నట్లు సమాచారం. ఇప్పుడు వేస్ట్ అవుతున్న టైం అంతటిని అప్పుడు కవర్ చేయాలని మహేష్ బాబు భావిస్తున్నట్లు తెలుస్తోంది. నిజానికి గతంలో స్పైడర్ సినిమా రిలీజ్ కాకముందే మహేష్ బాబు భరత్ అనే నేను సినిమా మొదలు పెట్టాడు.. కానీ అప్పటికే స్పైడర్ సినిమా షూటింగ్ దాదాపుగా పూర్తయింది. కేవలం పోస్ట్ ప్రొడక్షన్ దశలో ఉన్న సమయంలో ఆయన భరత్ అనే నేను సినిమా షూటింగ్ మొదలు పెట్టాడు. కానీ ఈసారి అలా కాకుండా సినిమా షూటింగ్ జరుగుతుండగానే మరో సినిమా షూటింగ్ అవకాశాలున్నాయని అంటున్నారు. చూడాలి మరి ఏమి జరగనుంది అనేది.