యోగి బాబు పాత్రలో బండ్ల గణేష్ కాదని సునీల్ నటించే అవకాశాలు ఉన్నాయని ప్రచారం జరుగుతోంది. నాయిబ్రాహ్మణుల సమస్యల నేపథ్యంలో తెరకెక్కిన ఈ సినిమా అవుట్ అండ్ అవుట్ కామెడీ ఎంటర్టైనర్గా సాగింది. కామెడీతో సాగుతూనే పొలిటికల్ సెటైరిక్ మూవీగా ఉండింది. ఈ మధ్యకాలంలో నెట్ఫ్లిక్స్ లో రిలీజ్ అయిన సినిమాల్లో మంచి సినిమాగా పేరు తెచ్చుకుంది. అలాగే ఈ సినిమాలో నటించినందుకు గాను యోగి బాబు నటనకి విమర్శకుల ప్రశంసలు సైతం దక్కాయి.. ఇది ఈ సినిమా హక్కులు ఏకే ఎంటర్టైన్మెంట్స్ బ్యానర్ కింద అనిల్ సుంకర కొన్నారు.

 ఆయన సునీల్ అయితే ఈ పాత్రకు సరిగ్గా న్యాయం చేయగలరని భావిస్తున్నట్లు సమాచారం. ఈ మేరకు సునీల్ ను సంప్రదించగా సునీల్ తన సమ్మతి కూడా తెలియజేశాడు అని తెలుస్తోంది. ఈ సినిమాను సమర్థవంతంగా తెలుగులో రీమేక్ చేయగల దర్శకుడి కోసం అనిల్ సుంకర వెతుకుతున్నారని ఒకసారి దర్శకుడు ఫైనల్ అయితే ఈ సినిమాని అధికారికంగా ప్రకటించే అవకాశాలు ఉన్నాయని అంటున్నారు. సునీల్ ప్రస్తుతానికి సలోని హీరోయిన్ గా మర్యాద కృష్ణయ్య అనే సినిమా చేస్తున్నాడు. అలాగే హీరో పాత్రలకు పరిమితం కాకుండా మంచి సినిమా అనుకుంటే చిన్న చిన్న పాత్రలో వచ్చినా చేసుకుంటూ వెళుతున్నారు.